15.12.2025 | 12:14
Գևորգ Պապոյանի ճեպազրույցը. ՈՒՂԻՂ
ԲԱՆԱՎԵՃ․ Նոր Սահմանադրություն՝ ՀՀ քաղաքացո՞ւ, թե Ալիևի պահանջով
Հաղորդաշարեր
28.02.2025 | 21:00
Ադրբեջանն իրականում ցանկանում է խոչընդոտել նոր Սահմանադրության ընդունումը՝ պահանջելով փոխել Սահմանադրությունը․ հայտարարում են ՀՀ կառավարող ուժից՝ ի պատասխան այն մեղադրանքների, թե վարչապետ Նիկոլ Փաշինյանի կառավարությունը Մայր օրենքի փոփոխությունն առաջարկում է՝ ընկրկելով Ադրբեջանի նախագահի պահանջների դեմ։ Ինքը՝ վարչապետ Նիկոլ Փաշինյանը հայտնի գաղափարական տեսաուղերձում ասել է, որ նոր Սահմանադրության ընդունման ռազմավարական նպատակը անցումն է «պետականազուրկ ազգի մնացորդային գործելակարգից դեպի պետականակերտ ժողովրդի գործելակարգ»։
Ըստ Փաշինյանի՝ Էական է համաժողովրդական հանրաքվեով նոր Սահմանադրության ընդունումը, քանի որ գործող Սահմանադրության ընդունման համար անցկացված նախկին բոլոր հանրաքվեներնառնվազն հանրային ընկալման մեջ ունեն լեգիտիմության լրջագույն պակաս։
Նա նկատի ունի 2015-ին Սահմանադրության ընդունումը, որը ժամանակին ընդդիմադիրները համարել են ընտրակեղծիքներով իրագործված։ Չի բացառվում՝ նոր Սահմանադրության նախագիծը հանրաքվեի դրվի արդեն 2026-ի խորհրդարանական ընտրությունների ժամանակ։ Դա կարելի է եզրակացնել այն փաստից, որ Արդարադատության նախարարը պնդում է՝ նոր Սահմանադրության նախագիծը պետք է պատրաստ լինի ընտրությունների նախաշեմին։ Արդյո՞ք ՀՀ-ում անհրաժեշտ է ընդունել նոր Սահմանադրություն, և արդյո՞ք ՀՀ իշխանությունը Ադրբեջանի ճնշմամբ է գնում այս փոփոխությանը։ Factor TV-ում հրավիրված քննարկմանը մասնակցում են Գևորգ Դավթյանը՝ փաստաբան, Դավիթ Խաժակյանը՝ ԼՀԿ փոխնախագահ, Վահե Գրիգորյանը՝ սահմանադրագետ, իրավաբան։
Մանրամասները՝ տեսանյութում։
Ռոբերտ Անանյան
