08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թրամփը մեկ տարով երկարաձգել է Ռուսաստանի դեմ պատժամիջոցները
Քաղաքականություն
28.02.2025 | 13:08
ԱՄՆ նախագահ Դոնալդ Թրամփը մեկ տարով երկարաձգել է Ռուսաստանի դեմ պատժամիջոցները, որոնք սահմանվել են 2014 թվականի մարտի 6-ից մինչև 2022 թվականի փետրվարի 21-ը։ Այս մասին հաղորդվում է ԱՄՆ Դաշնային ռեգիստրի նյութերում, փոխանցում է Current time-ը։
Փաստաթղթում նշվում են այն պատժամիջոցները, որոնք ընդունվել են՝ ի պատասխան Ուկրաինայի արևելքում Ռուսաստանի գործողությունների և Ղրիմի բռնակցման, ինչպես նաև 2022 թվականի փետրվարի 21-ին, այսպես կոչված, Դոնեցկի և Լուգանսկի անկախությունը ճանաչելու մասին ՌԴ նախագահ Վլադիմիր Պուտինի հայտարարության։
«Այս գործադիր հրամաններում շարադրված գործողություններն ու քաղաքականությունը շարունակում են անսովոր և արտակարգ վտանգ ներկայացնել Միացյալ Նահանգների ազգային անվտանգության և արտաքին քաղաքականության համար»,- ասվում է փաստաթղթում։
Նշվում է, որ պատժամիջոցները պետք է ուժի մեջ մնան նաև 2025 թվականի մարտի 6-ից հետո։
Թարգմանությունը՝ Էմմա Չոբանյանի
