24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
Ուկրաինայում զինադադարը «չի կարող ագրեսորին պարգևատրող խաղաղություն» լինել. Մեծ Բրիտանիան զորք և ավիացիա ուղարկելու պատրաստակամություն է հայտնել
Քաղաքականություն
28.02.2025 | 11:51
Ուկրաինայի և Ռուսաստանի միջև ձեռք բերված խաղաղությունը չպետք է «պարգևատրի ագրեսորին»։ Այս մասին Վաշինգտոնում ԱՄՆ նախագահ Դոնալդ Թրամփի հետ համատեղ մամուլի ասուլիսում հայտարարել է Մեծ Բրիտանիայի վարչապետ Քիր Սթարմերը՝ հավելելով, որ պատմությունը «պետք է լինի խաղաղարարի, այլ ոչ թե զավթողի կողմը», գրում է France24-ը։
Նա նշել է, որ իրենք քննարկել են Ուկրաինայի հետ խաղաղության գործարքը, որն արդարացի պետք է լինի, և որ Բրիտանիան պատրաստ է աջակցել դրա իրականացմանը՝ ավիացիա և զորքեր ուղարկելով:
«Այսօր մենք քննարկել ենք խաղաղության հասնելու պլանը, որը լինելու է կոշտ և արդար, որը Ուկրաինան կարող է ձևավորել ուժով՝ թույլ չտալու Պուտինին ավելիի համար վերադառնալ։ Ես հստակ եմ՝ Մեծ Բրիտանիան պատրաստ է կանգնել գետնի վրա և ինքնաթիռներով՝ օդում, որպեսզի աջակցի գործարքին՝ համագործակցելով մեր դաշնակիցների հետ, քանի որ դա միակ ճանապարհն է, որով խաղաղությունը կպահպանվի»,- ասել է Սթարմերը։
Ուկրաինայի համար անվտանգության «բավարար» երաշխիքներ տալու կոչ անելով՝ Սթարմերը Վաշինգտոն մեկնելիս ինքնաթիռում լրագրողներին ասել էր. «Եթե հրադադար լինի առանց հետնախորշի, դա պարզապես նրան [Պուտինին] հնարավորություն կտա սպասել և նորից վերադառնալ, քանի որ Ուկրաինայի հետ կապված նրա հավակնությունները բացարձակապես պարզ են»:
Թարգմանությունը՝ Էմմա Չոբանյանի
