21.01.2026 | 23:30
Ինչ իրավիճակ է Հայաստանի ճանապարհներին և Լարսում
Ո՞ւմ եք հիմարի տեղ դրել․ թեժ բանավեճ՝ Ազգային ժողովում․ ՏԵՍԱՆՅՈՒԹ
Քաղաքականություն
28.09.2018 | 17:25
Ինչպես արդեն տեղեկացրել ենք, այսօր Ազգային ժողովում քննարկվում էին Սևանա լճի հիմնախնդիրները։ Քննարկմանը մասնակցող «Թռչնասերների կենտրոն» ԲԸ-ը ղեկավար Սիլվա Ադամյանը թեժ բանավեճի բռնվեց ԱԺ ՀՀԿ-ական պատգամավոր Խոսրով Հարությունյանի հետ՝ շեշտելով, որ Սևանա լճից հավելյալ ջրառի մասին օրենքի նախագծին կողմ են քվեարկել, հիմա եկել ջրառի կազմակերպման հարց են քննարկում։
«Ո՞ւմ եք հիմարի տեղ դրել»,- դիմելով ՀՀԿ-ական պատգամավորին՝ ասաց Ադամյանը։
Ի պատասխան՝ Խոսրով Հարությունյանն էլ նկատեց, որ նիստը վարողը պետք է հրավիրյալներին տեղյակ պահի, որ բոլորն ԱԺ-ոմ ազատ են իրենց տեսակետն արտահայտել, ինչին ի պատասխան էլ Սիլվա Ադամյանը նկատեց․ «Դուք ոնց կայիք, էդպիսին էլ մնացել ենք, չեք փոխվի։ Սա ի՞նչ խայտառակություն է։ Այսքան տարի հասարակական կազմակերպությունները պահանջում են դադարեցնել այդ կարգի ջրառը, բայց դուք ձեր մտահոգություններով հանդերձ անընդհատ քվեարկում էիք կողմ, հիմա եկել մտահոգության մասին եք խոսում»։
Բանավեճն ընդհատեց նիստը վարող «Ծառուկյան» խմբակցության պատգամավոր Վարդևան Գրիգորյանը՝ հիշեցնելով, որ երբ Ազգային ժողովում քննարկվել է Սևանա լճից հավելյալ ջրառի հարցը, հարցի շահառու բոլոր հասարակական կազմակերպությունները հնարավորություն են ունեցել գալ և իրենց կարծիքն արտահայտել։
