18.09.2026 | 18:40
Պուտինը հեռավար է քվեարկել Պետդումայի ընտրություններում
Սևանա լճի ավազանում որևէ տնտեսվարող առանց կեղտաջրերը մաքրող մեխանիզմների ներդրման չի կարող իր աշխատանքներն իրականացնել․ նախարար․ ՏԵՍԱՆՅՈՒԹ
Տնտեսություն
28.09.2018 | 11:47
ՀՀ ԱԺ տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովն այսօր կազմակերպել է «Սևանա լճի հիմնախնդիրները» թեմայով խորհրդարանական լսումներ:
Բնապահպանության նախարար Էրիկ Գրիգորյանն առանձնացրեց Սևանա լճի վերաբերյալ նախարարության կողմից իրականացված մոնիթորինգի արդյունքները, որոնցից ակնհայտ է դառնում, որ վերջին տարիներին լիճ թափվող կեղտաջրերի մեծ քանակն ու ջրի պարունակության մեջ ֆոսֆորի քանակի ավելացումը բերել է լճի ծաղկման։
«Բնապահպանության նախարարությունը տիեզերական պատկերների միջոցով հետևում է ջրիմուռների աճին, որոնք մասսայական ծածկել էին լիճը, և սա այն պատճառով, որ գրանցվել է ջերմաստիճանի բարձր ցուցանիշ։ Սրան ավելացել էր նաև լիճ թափվող կեղտաջրերի քանակը՝ հանգեցնելով լճի ծաղկման»,- ասաց նախարարը։
Նախարար Էրիկ Գրիգորյանն առանցնացրեց նաև լճի կենսաբազմազանության խնդիրը և նշեց, որ կիրառվում են զսպող մեխանիզմներ՝ մանր ձկների որսն արգելելու համար։ «Մաքսային մարմիններն արգելել են 50 մմ -ից ավել ցանցերի ներմուծումը՝ դրանով իսկ կանխելով փոքր ձկների մեծաքանակ որսը»,- ասաց նա։
Բնապահպանության նախարարն անդրադարձավ նաև լիճ թափվող կեղտաջրերի խնդրին և շեշտեց, որ այլևս Սևանա լճի ավազանում որևէ տնտեսվարող առանց կեղտաջրերը մաքրող մեխանիզմների ներդրման չի կարող իր աշխատանքներն իրականացնել։
Մանրամասները՝ տեսանյութում։
