25.05.2026 | 18:33
Գորիսի հիվանդանոցի նախկին տնօրենը մեղադրվում է գույքի ապօրինի օտարման և փողերի լվացման համար․ ՔԿ
Ստամբուլում ավարտվել է ԱՄՆ-ՌԴ հանդիպումը․ այն տևել է 6․5 ժամ
Քաղաքականություն
27.02.2025 | 17:52
Ստամբուլում ավարտվել են Ռուսաստանի և ԱՄՆ-ի պատվիրակությունների բանակցությունները։ Հանդիպումը տևել է 6,5 ժամ, հաղորդում է ՏԱՍՍ-ի թղթակիցը։
Բանակցություններն ավարտվել են առանց մամուլի համար մեկնաբանությունների։ Մոսկվայի ժամանակով 16:20-ի սահմաններում ռուսական պատվիրակության մեքենան դուրս է եկել Ստամբուլում ԱՄՆ գլխավոր հյուպատոսի նստավայրի տարածքից, որտեղ ընթանում էր հանդիպում։
Այսօր ավելի վաղ ՌԴ նախագահի մամուլի խոսնակ Դմիտրի Պեսկովը նշել էր, որ բանակցությունների արդյունքների մասին տեղեկատվություն «այսպես, թե այնպես կտրամադրվի»։
Այս հանդիպմանը նախորդել էին երկու նախնական տեխնիկական շփումներ Մոսկվայի և Վաշինգտոնի միջև։
Հիշեցնենք, որ փետրվարի 18-ին Սաուդյան Արաբիայի մայրաքաղաքում կողմերի միջև բարձր մակարդակի հանդիպում էր տեղի ունեցել։ Պատվիրակությունները գլխավորում էին ԱՄՆ պետքարտուղար Մարկ Ռուբիոն և ՌԴ ԱԳ նախարար Սերգեյ Լավրովը։
Թարգմանությունը՝ Էմմա Չոբանյանի
