03.04.2025 | 15:54
Ռուբիոն հայտարարել է, որ ԱՄՆ-ը մնում է ՆԱՏՕ-ում
Թուրքիայի, Վրաստանի և Ադրբեջանի ԱԳ նախարարները եռակողմ հանդիպում կանցկացնեն
Քաղաքականություն
27.02.2025 | 17:38
Ադրբեջանի, Թուրքիայի և Վրաստանի արտգործնախարարների եռակողմ հանդիպում տեղի կունենա։ Ադրբեջանական լրատվամիջոցների հաղորդմամբ՝ այս մասին հայտարարել է Վրաստանի արտգործնախարար Մակա Բոճորիշվիլին նախօրեին Թուրքիայի ԱԳ նախարար Հաքան Ֆիդանի հետ կայացած բանակցություններից հետո մամուլի ասուլիսում։
Նա նշել է, որ հանդիպումը տեղի է ունենալու Թուրքիայում առաջիկա օրերին։
«Երկուսս էլ աջակցել ենք Վրաստանի, Ադրբեջանի և Թուրքիայի միջև եռակողմ համագործակցության ձևաչափին։ Մենք նաև պայմանավորվել ենք առաջիկայում եռակողմ ձևաչափով հանդիպում անցկացնելու մասին։ Ելնելով տարածաշրջանային համագործակցության հարցում մեր հետաքրքրությունից՝ Թուրքիան կստանձնի հյուրընկալողի դերը։ Այս ձևաչափով մեր կապերի ամրապնդումը չափազանց կարևոր է»,- ասել է Բոճորիշվիլին։
Հիշեցնենք, որ Վրաստանի ԱԳ նախարարը եռակողմ հանդիպման անցկացման մասին հայտարարել էր նաև հունվարին Ադրբեջանի ԱԳ նախարար Ջեյհուն Բայրամովի հետ հանդիպմանը։
Թարգմանությունը՝ Էմմա Չոբանյանի
