04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Թուրքիայի քրդական կուսակցության անդամները ուղևորվել են Օջալանի հետ հանդիպման՝ այսօր սպասվելիք PKK-ի զինաթափման կոչին ընդառաջ
Քաղաքականություն
27.02.2025 | 15:09
Թուրքիայի քրդամետ «Ժողովուրդների հավասարություն և ժողովրդավարություն» կուսակցության (DEM) պատվիրակությունը մեկնել է Իմրալը կղզու բանտ՝ հանդիպելու PKK-ի բանտարկված առաջնորդ Աբդուլլահ Օջալանի հետ, գրում է Turkiye today-ը։
Այսօրվա հանդիպումը կուսակցության երրորդ նման այցն է, որն արտոնվել է Թուրքիայի արդարադատության նախարարության կողմից։ Ըստ DEM կուսակցության հաղորդագրության՝ յոթանոց պատվիրակության կազմում են Ահմեդ Թյուրքը, Փերվին Բուլդանը, Սիրրի Սուրեյյա Օնդերը, Թուլայ Հաթիմուգուլլարին, Թունջեր Բաքիրհանը, Ջենգիզ Չիչեքը և Ֆաիք Օզգյուր Էրոլը։
Սպասվում է, որ պատվիրակության անդամները տեղական ժամանակով 17:00-ին Ստամբուլում մամուլի ասուլիս կհրավիրեն՝ ներկայացնելու հանդիպման մանրամասներն ու արդյունքները: Ըստ թուրքական լրատվամիջոցների՝ չի բացառվում, որ այդ ասուլիսի ժամանակ էլ ներկայացվի Օջալանի ուղերձը։
Հիշեցնենք, որ թուրքական ԶԼՄ-ները նախօրեին հայտնել էին, որ Օջալանը PKK-ի զինաթափման կոչն անելու է մի քանի օրից, ամենավերջին հնարավոր ամսաթիվը փետրվարի վերջը կամ մարտի սկիզբն է։
Reuters-ն էլ նախօրեին քրդամետ կուսակցության, վկայակոչելով իր աղբյուրներին, հայտնել էր, որ DEM կուսակցությունը փետրվարի 27-ին մամուլի ասուլիս կանցկացնի՝ քննարկելու Քուրդիստանի աշխատավորական կուսակցության (PKK) բանտարկված առաջնորդ Աբդուլլահ Օջալանի հետ բանակցությունները և կներկայացնի նրանից սպասվող հայտարարությունը։
Թարգմանությունը՝ Էմմա Չոբանյանի
