19.02.2026 | 19:45
Նրանք ընկերացել են. Թրամփը՝ Փաշինյանի և Ալիևի մասին. ՏԵՍԱՆՅՈՒԹ
Զելենսկին հրավիրվել է մարտի 6-ին նախանշված ԵՄ առաջնորդների հատուկ գագաթնաժողովին
Քաղաքականություն
27.02.2025 | 14:44
Եվրոպական խորհրդի նախագահ Անտոնիո Կոշտան հայտարարել է, որ Ուկրաինայի նախագահ Վլադիմիր Զելենսկիին հրավիրել է մարտի 6-ին կայանալիք ԵՄ առաջնորդների հատուկ գագաթնաժողովին՝ քննարկելու Ուկրաինային ապագա աջակցությունը։ Այս մասին հայտնում է Reuters-ը, որին վկայակոչում է BBC-ի ռուսական ծառայությունը։
«ԵՄ-ն և նրա անդամ երկրները պատրաստ են ավելի մեծ պատասխանատվություն ստանձնել Եվրոպայի անվտանգության համար: Մենք պետք է պատրաստ լինենք եվրոպական հնարավոր ներդրմանը անվտանգության երաշխիքներում, որոնք անհրաժեշտ կլինեն Ուկրաինայում կայուն խաղաղություն ապահովելու համար»,- ասել է Կոշտան ԵՄ առաջնորդներին ուղղված հրավերի նամակում։
ԱՄՆ նախագահ Դոնալդ Թրամփն իր հերթին հայտարարել է, որ չի պատրաստվում եղածից ավելի անվտանգության երաշխիքներ տալ Կիևին։
«Մենք դա կհանձնարարենք Եվրոպային»,- ասել էր նա։
Թրամփն ու Զելենսկին երեկ հաստատել էին, որ նախատեսում են հանդիպել Վաշինգտոնում ուրբաթ՝ փետրվարի 28-ին։ Բանակցությունների հիմնական թեման Ուկրաինայի հազվագյուտ մետաղներն ու այլ օգտակար հանածոներն են։ Զելենսկին ավելի վաղ ասել էր, որ ԱՄՆ-ի հետ դրանց զարգացման վերաբերյալ համաձայնագրի նախագիծը չի պարունակում Ուկրաինայի անվտանգության ուղղակի երաշխիքներ, ինչի մասին պնդում էր Կիևը։
Թարգմանությունը՝ Էմմա Չոբանյանի
