30.04.2026 | 11:33
Խաբիբ Նուրմագոմեդովը հերքել է Արման Ծառուկյանի ասածը
ՀԱՄԱՍ-ը չորս իսրայելցի պատանդի դի է փոխանցել․ ի պատասխան՝ Իսրայելն ազատ կարձակի ավելի քան 600 պաղեստինցի բանտարկյալների
Քաղաքականություն
27.02.2025 | 13:19
Պաղեստինյան ՀԱՄԱՍ խմբավորումն իսրայելցի չորս պատանդների դիերն է փոխանցել Իսրայելին։ Մարմիններն Իսրայելի բանակի ներկայացուցիչներին են հանձնել Կարմիր խաչի միջնորդները, գրում է The Times of Israel-ը։
Իսրայելի վարչապետի գրասենյակից հայտնել են, որ դիերը հանձնվել են Քերեմ Շալոմի խաչմերուկում՝ «եգիպտական միջնորդությամբ»։ Իսրայելը նախնական դատաբժշկական փորձաքննություն է սկսել։
Աճյունների թվում պետք է լինի 85-ամյա Շլոմո Մանցուրի մարմինը, որը համարվում էր հոկտեմբերի 7-ին առևանգված ամենատարեց պատանդը: Իսրայելի զինվորական պաշտոնյաները փետրվարի 11-ին հայտարարել էին, որ Մանցուրը սպանվել է հոկտեմբերի 7-ի հարձակման ժամանակ, և նրա մարմինը պահվում է Գազայում:
Իցիկ Էլգարատի, Ցահի Իդանի և Օհադ Յահալոմիի մարմինները նույնպես պետք է լինեն վերադարձվող մարմինների թվում։
Իսրայելը հայտարարել է, որ ի պատասխան ծրագրում է ազատել ավելի քան 600 պաղեստինցի բանտարկյալների։
Պաղեստինցիները նշել են, որ մոտ 620 բանտարկյալ է ազատ արձակվելու, մինչդեռ, ըստ իսրայելական հաղորդումների, նրանց թիվը 602 է: Իսրայելի իշխանությունները չեն պատասխանել թվերի անհամապատասխանության պարզաբանման մասին հարցումներին:
Թարգմանությունը՝ Էմմա Չոբանյանի
