25.06.2026 | 18:33
ՄԻՊ-ը հանդիպել է Անդրանիկ Թևանյանի իրավունքներին առնչվող հարցեր բարձրաձայնող անձանց
Հայաստանում առաջին անգամ հնչել է Միշել Լեգրանի Դաշնամուրի կոնցերտը
Մշակույթ
26.02.2025 | 17:01
Հայ կոմպոզիտորական արվեստի 16-րդ փառատոնի եզրափակիչ համերգի ընթացքում տեղի է ունեցել հայաստանյան պրեմիերա. առաջին անգամ հնչել է ֆրանսահայ կոմպոզիտոր Միշել Լեգրանի Դաշնամուրի կոնցերտը։ Հայաստանի պետական սիմֆոնիկ նվագախմբի հետ այն կատարել է դաշնակահար Ռիեկո Ցուչիդան։ Համերգը ղեկավարել էր դիրիժոր Ջանլուկա Մարչիանոն․ տեղեկացնում են Հայաստանի պետական սիմֆոնիկ նվագախմբի լրատվական ծառայությունից։
«Իր գործունեության ընթացքում Միշել Լեգրանը 13 անգամ ներկայացվել և 3 անգամ արժանացել է «Օսկար» կինոակադեմիայի մրցանակին։ Նա հինգ անգամ ստացել է «Գրեմի» և «Էմմի», 12 անգամ՝ «Ոսկե գլոբուս» մրցանակներ։
Երեկոյի ընթացքում հնչել է նաև Վարդան Աճեմյանի Թիվ 4 սիմֆոնիան։ Վարդան Աճեմյանն իր սերնդի ամենաշնորհալի կոմպոզիտորներից է, ում ստեղծագործությունները կատարվել են Հայաստանում, Բուլղարիայում, Չեխիայում, Ֆինլանդիայում, Վրաստանում, Իսլանդիայում, Լեհաստանում, Ռուսաստանում, Մեծ Բրիտանիայում, Շվեյցարիայում, ԱՄՆ-ում»,- մասնավորապես ասված է հաղորդագրությունում։
