Թուրքիան, Վրաստանն ու Ադրբեջանը ներգրավված են կարևոր նախագծերում, որը հնարավորություն է տալիս տարածաշրջանում խաղաղություն հաստատել․ Հաքան Ֆիդան

Թուրքիան, Ադրբեջանը և Վրաստանը մասնակցում են շատ կարևոր նախագծերի զարգացմանը, որոնք ունեն բավականին բարձր ռազմավարական գործառույթ: Այս մասին հայտարարել է Թուրքիայի ԱԳ նախարար Հաքան Ֆիդանը իր վրացի գործընկեր Մակա Բոճորիշվիլիի հետ Անկարայում հանդիպումից հետո հրավիրված մամուլի ասուսլիսում, փոխանցում է վրացական «Առաջին ալիքը»։

Նա նշել է, որ նախագծերին երեք երկրների մասնակցությունը վճռական նշանակություն ունի այդ ծրագրերում, որը հնարավորություն է տալիս տարածաշրջանում խաղաղություն հաստատել։

«Թուրքիան, Ադրբեջանը և Վրաստանը վաղուց ներգրավված են շատ կարևոր նախագծերի զարգացման մեջ, որոնք ունեն բավականին բարձր ռազմավարական գործառույթ։ Երեք երկրների մասնակցությունը վճռորոշ նշանակություն ունի այս նախագծերի զարգացման գործում, և այս ամենը, ի վերջո, մեզ հնարավորություն կտա խաղաղություն հաստատել տարածաշրջանում, հատկապես, Կասպից ծովի հնարավորությունները թե՛ եվրոպական, թե՛ համաշխարհային շուկաների զարգացման գործում։ Եվ, իհարկե, Սևծովյան տարածաշրջանն ու նրա ներուժը առաջնային նշանակություն ունեն»,- ասել է Ֆիդանը։

Նա նշել է, որ դրանք կարող են լինել ոչ բարձրագոչ նախագծեր, բայց շատ կարևոր է դրանք զարգացնել տարածաշրջանային տեսանկյունից:

«Մենք ունենք օրինակելի հարաբերություններ երեք երկրների հետ՝ Թուրքիա, Վրաստան, Ադրբեջան, և դա կարելի է օրինակելի մոդել համարել այլ երկրների համար»,- ասել է Թուրքիայի ԱԳՆ ղեկավարը։

Թարգմանությունը՝ Էմմա Չոբանյանի