21.12.2025 | 20:02
Հրազդանի հովտով դեպի հյուսիս-արևմուտք է տարածվում Արարատյան դաշտում առկա սառը օդի լճացման շերտը․ Սուրենյան
Վրաստանի ԱԳ նախարարը Թուրքիա է մեկնում է․ նա Ֆիդանի հետ կքննարկի Միջին միջանցքը, Բաքու-Թբիլիսի-Անկարա եռակողմ մեխանիզմը
Քաղաքականություն
26.02.2025 | 14:21
Վրաստանի ԱԳ նախարար Մակա Բոճորիշվիլին Թուրքիա է մեկնում։ TRT Haber-ի հաղորդմամբ՝ Թուրքիայի ԱԳ նախարար Հաքան Ֆիդանն Անկարայում հանդիպում կունենա վրացի գործընկերոջ հետ։
Երկու հարևան երկրների արտգործնախարարների հանդիպման օրակարգում բազմաթիվ թեմաներ են։ Մասնավորապես, Ֆիդանը հայտարարելու է, որ Անկարան կշարունակի աջակցություն ցուցաբերել եվրատլանտյան կազմակերպություններին ինտեգրվելու՝ Վրաստանի ջանքերին։ Նա նաև կկարևորի Վրաստանի և Ադրբեջանի հետ ստեղծված եռակողմ մեխանիզմը, նրա ներդրումը տարածաշրջանային համագործակցության, խաղաղության և կայունության գործում։
Թուրքիան Վրաստանի թիվ մեկ առևտրային գործընկերն է արդեն 16 տարի։ Երկու երկրների միջև ապրանքաշրջանառության ծավալը կազմում է ավելի քան 3 միլիարդ դոլար։ Այս համատեքստում հանդիպման ընթացքում քննարկվելիք թեմաներից կլինեն նաև երկկողմ հարաբերությունները և առևտրային հարցերը։
Ֆիդանը վրացի գործընկերոջ հետ խոսելու է Միջին միջանցքի կարևորության մասին տարածաշրջանի համար և դրանից դուրս։ Այս համատեքստում կքննարկվի, որ պետք է համատեղ ջանքեր գործադրել, որպեսզի Բաքու-Թբիլիսի-Կարս երկաթուղին, որը հանդիսանում է Միջին միջանցքի ողնաշարը, սկսի գործել ամբողջ հզորությամբ։
Հանդիպման օրակարգային թեմաներից է լինելու մեսխեթցի թուրքերին առնչվող հարցը։ Ֆիդանը նշելու է, որ պատրաստ է ամեն տեսակի աջակցություն ցուցաբերել նրանց Վրաստան վերադառնալու հարցում։
Թարգմանությունը՝ Էմմա Չոբանյանի
