Էրդողանի կուսակցությունը դիտարկում է 2027թ․ նոյեմբերին Թուրքիայում արտահերթ նախագահական ընտրությունների անցկացման հնարավորությունը

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Թուրքիայի իշխող «Արդարություն և զարգացում» կուսակցություն (ԱԶԿ) 2027 թվականի նոյեմբերի 7-ը դիտարկում է որպես հաջորդ նախագահական ընտրությունների հնարավոր ամսաթիվ: Turkiye gazetesi-ի քաղաքական աղբյուրների համաձայն՝ ԱԶԿ-ն շարունակում է ջանքերը արտահերթ ընտրությունների համար խորհրդարանական աջակցություն ստանալու ուղղությամբ, ինչը նախագահ Ռեջեփ Թայիփ Էրդողանին թույլ կտան առաջադրվել ևս մեկ ժամկետով:

Մասնավորապես, նշվում է, որ ավարտելով համագումարը՝ կուսակցությունը կենտրոնանում է Էրդողանի վերընտրվելու իրավունքի ապահովման ուղղությամբ։ Ըստ տեղեկությունների՝ կուսակցությունը ձգտում է իր խորհրդարանական մեծամասնությունը հասցնել 360 մանդատի, ինչն անհրաժեշտ է Թուրքիայի խորհրդարանին արտահերթ ընտրություններ նշանակելու համար:

Ներկայում իշխող Ժողովրդական դաշինքը, որը ներառում է ԱԶԿ-ն, Ազգայնական շարժում կուսակցությունը (MHP), Ազատ գործ կուսակցությունը (HUDA-PAR) և Դեմոկրատական ​​ձախ կուսակցությունը (DSP), ունի 324 տեղ խորհրդարանում: Եթե ​​«Նոր բարեկեցություն» կուսակցությունը (YRP) երկարաձգի իր աջակցությունը, ապա թիվը կհասնի 328-ի: Սակայն սա չի հասնում պահանջվող շեմին, ինչը ենթադրություններ է առաջացնում, որ ԱԶԿ-նը կշարունակի լրացուցիչ խորհրդարանական մանդատներ փնտրել ընդդիմադիր կուսակցություններից, ինչպիսիք են Ապագա կուսակցությունը (Gelecek Party), Ժողովրդավարություն և առաջադիմություն կուսակցությունը (DEVA) և Լավ կուսակցությունը (Iyi Parti):

ԱԶԿ-ի աղբյուրները ենթադրում են, որ ընդդիմության պահանջներին ի պատասխան, արտահերթ ընտրություններ անցկացնելու փոխարեն, կուսակցությունը դիտարկում է քվեարկությունն անցկացնել 2027 թվականի աշնանը, որի հավանական ամսաթիվը նոյեմբերի 7-ն է: Կուսակցության պաշտոնյաները պնդում են, որ նման ժամանակացույցը թույլ է տալիս բավականաչափ նախապատրաստվել՝ միաժամանակ հերքելով ընդդիմության պնդումները, թե կառավարությունը խուսափում է ընտրություններից:

«Ընդդիմությունը կարող է հրաժարվել արտահերթ ընտրությունների որոշմանն աջակցելուց, բայց երբ ժամանակը գա, ոչ մի կուսակցություն չի կարողանա խուսափել ընտրություններից։ Ընտրությունների ամենատրամաբանական ժամկետը կլինի 2027 թվականի աշունը։ Նախագահի վերընտրվելու համար բավական է խորհրդարանում ընտրությունների վերաբերյալ որոշում ընդունելը՝ անկախ ժամկետից, որովհետև այս պայմաններում թեկնածության մասով սահմանադրական փոփոխություն կատարելն ավելի դժվար է և շատ անհավանական։ Հետևաբար, որպես «Արդարություն և զարգացում» կուսակցություն, մեր ռազմավարությունը լինելու է ընտրությունների վերաբերյալ որոշում ընդունելը խորհրդարանում»,- ասել է ԱԶԿ աղբյուրը։

Հաղորդվում է, որ նախագահ Էրդողանը ևս վճռական է վերընտրվելու հարցում, և որ նա այդ մտադրությունն արտահայտել է Ամանորից հետո Ստամբուլում իր որոշ աշխատակիցների հետ հանդիպման ժամանակ:

«Մարդիկ ակնհայտորեն ցանկանում են, որ Էրդողանը նորից առաջադրվի: Նրա թեկնածության հարցում կուսակցությունում վարանում չկա։ Երբ ժամանակը գա, մենք անհրաժեշտ քայլեր կձեռնարկենք իրավական խոչընդոտները վերացնելու համար»,- ասել են ԱԶԿ-ի աղբյուրները։

Թարգմանությունը՝ Էմմա Չոբանյանի