06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Թրամփը փակում է Եվրոպայում ռազմակայանը, որով զենք էր մատակարարվում Ուկրաինային. ԶԼՄ-ներ
Քաղաքականություն
24.02.2025 | 22:45
ԱՄՆ կառավարությունը կարգադրել է անհապաղ ստուգել հունական Ալեքսանդրուպոլիսում ՆԱՏՕ-ի ռազմակայանի հետագա շահագործման նպատակահարմարությունն ու անհրաժեշտությունը, Unian.net-ի փոխանցմամբ՝ գրում է Democtratia-ն:
Ըստ աղբյուրի՝ ռազմակայանը գտնվում է Տրակիայի Էգեյան ափին, Սևծովյան նեղուցներից ոչ հեռու և օգտագործվել է ԱՄՆ-ի և ՆԱՏՕ-ի կողմից Արևելյան Եվրոպա ուժեր տեղափոխելու համար: Այդ բազան Ջո Բայդենի վարչակազմի կողմից օգտագործվել է նաև որպես տարանցիկ կետ Ուկրաինային ամերիկյան օգնություն, այդ թվում՝ ռազմական օգնություն մատակարարելու համար։
Սակայն այժմ, ըստ աղբյուրի, բազան կարող է ավելորդ լինել, քանի որ Թրամփի վարչակազմը մտադիր չէ շարունակել օգնություն ցուցաբերել Ուկրաինային, առավել ևս՝ Սաուդյան Արաբիայում Ռուսաստանի հետ բանակցություններից հետո, որոնք ԱՄՆ ներկայացուցիչները գնահատել են արդյունավետ:
Աղբյուրի փոխանցմամբ՝ ռազմակայանի հնարավոր փակումը կուրախացնի Ռուսաստանի նախագահ Վլադիմիր Պուտինին, որը վաղուց էր ձգտում դրան: Դա կբավարարի նաև Թուրքիայի նախագահ Ռեջեփ Թայիփ Էրդողանին, որը այն համարում էր Բոսֆորի նեղուցի նկատմամբ թուրքական մենաշնորհի սպառնալիք։
