14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Հ1-ի խորհուրդն այս կազմով գործել է սահմանված դրույթներին հակառակ․ ոչ մեկ իրավունք չունի ասի, որ այն պաշտոնական լրատվամիջոց է․ Արթուր Սաքունց․ ՏԵՍԱՆՅՈՒԹ
Քաղաքականություն
28.09.2018 | 12:42
ՀՔԱՎ գրասենյակի ղեկավար Արթուր Սաքունցն այսօր «Հանրային հեռուստաընկերության դերը նոր Հայաստանի կայացման գործում» թեմայով քննարկման ժամանակ անդրադարձավ գրասենյակի կողմից իրականացված հարցումներից մեկին, որով քաղաքացիներին խնդրել են գնահատել իրավապահ մարմինների գործունեությունն՝ ըստ ինդեքսի։
«Այն մարդիկ, որոնք իրենց տեղեկատվությունն իրավապահների գործունեության վերաբերյալ ստացել են Հ1-ից՝ գնահատել են 15, իսկ այն մարդիկ, որոնք իրավապահ մարմինների վերաբերյալ տեղեկատվությունն ստացել են սոցիալական ցանցերից, գնահատել են 0»,- ասաց Արթուր Սաքունցը։
Արթուր Սաքունցը նաև շեշտեց, որ Հանրային հեռուստաընկերության ռեյտինգը պետք է լինի ընդամենն արդյունք և Հ1-ի գործունեությունը կարգավորող օրենքը պետք է ունենա բովանդակություն յուրաքանչյուր քաղաքացու համար, քանի որ նոր Հայաստանի բովանդակությունը հենց դրանում է կայանում։
«Պետք է նվազեցվի հասարակության հետ այդ խզումը։ Տեղեկությունների բազամազանություն․ սա է կարևորը, երբ մարդը համադրում է տեղեկությունները և ինքն է դիրանից ընտրում իր համար ճշմարտությունը»,- ասաց նա։
Արթուր Սաքունցը նաև նկատեց, որ հակախտրականություն, բռնության, այլընտրանքային ծառայության հարցերի վերաբերյալ ընդհանրապես Հ1-ում դիսկուրս չկա:
«Հանրային հեռուստաընկերության խորհուրդն այս կազմով գործել է սահմանված դրույթներին հակառակ․ ոչ մեկ իրավունք չունի ասի, որ Հ1-ը պաշտոնական լրատվամիջոց է»,-ասաց նա։
Մանրամասները՝ տեսանյութում։
