08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Միխայիլ Գալուստյանն ու Ալբերտ Ավդոլյանը հայտնվել են ԵՄ պատժամիջոցների ցուցակում
Քաղաքականություն
24.02.2025 | 16:00
Եվրամիությունը հաստատել է Ռուսաստանի դեմ պատժամիջոցների 16-րդ փաթեթը։ Ըստ ԵՄ հրապարակած ցուցակի՝ դրանում ընդգրկված են նաև հայազգի դերասանՄիխայիլ Գալուստյանը, ինչպես նաև գործարար Ալբերտ Ավդոլյանը։
Նշվում է, որ Ավոդլյանը զգալի շահեր ունի Ռուսաստանի էներգետիկ ենթակառուցվածքների ոլորտում, հատկապես, ածխի և հեղուկ գազի: Տնտեսական այդ հատվածները ՌԴ կառավարությանը եկամուտի զգալի աղբյուր են ապահովում: Իր բիզնես շահերի շնորհիվ նա նաև սերտորեն կապված է «Ռոստեխ» պետական կորպորացիայի հետ:
Միխայիլ Գալուստյանի մասով էլ նշվում է, որ նա ՌԴ նախագահ Վլադիմիր Պուտինի և նրա քաղաքականության երկարամյա աջակիցն է և իր ժողովրդականությունն օգտագործում է Կրեմլի քարոզչության հաղորդագրություններն ու նարատիվները տարածելու համար, ինչպես նաև նա «Յունարմիյա» երիտասարդական ռազմահայրենասիրական շարժման կառավարման անդամ է։ Գալուստյանն անմիջականորեն պատասխանատու է մի կազմակերպության գործունեության համար, որը նպաստում է ռուս երիտասարդության ռազմականացմանը։ Ըստ ԵՄ-ի՝ այդպիսով, նա աջակցում և իրականացնում է գործողություններ և քաղաքականություն, որոնք սպառնում են Ուկրաինայի տարածքային ամբողջականությանը, ինքնիշխանությանը և անկախությանը:
Թարգմանությունը՝ Էմմա Չոբանյանի
