Հաղորդաշարեր
22.02.2025 | 19:00«Մենք չունենք համակարգային մոտեցում, ձմռանն է պետք ամռանը նախապատրաստվել, մեր մայրաքաղաքում կա տրանսպորտի հետ կապված լրջագույն խնդիր, որը տասնամյակների ընթացքում լուծում չի ստանում: Անձրև է գալիս, ձյուն է գալիս, քաղաքը կանգնում է: Քաղաքային իշխանությունները կա´մ անլուրջ են մոտենում խնդրին, կա´մ ի զորու չեն այն լուծել: Բավական է ձյուն գա, տրանսպորտի թանկացման բոլոր հիմնավորումները հօդս են ցնդում, զավեշտալի է»,- Factor TV-ի հետ զրույցում նշում է կոմպոզիտոր, երգիչ Վահան Արծրունին:
Նա անդրադառնում է նաև Սահմանադրություն ընդունելու համար հանրաքվե կազմակերպելու անհրաժեշտությանը, ինչի մասին օրեր առաջ խոսել էր վարչապետ Նիկոլ Փաշինյանը. «Վարչապետն ու իր թիմը փորձում են տալ արտաքին պարտադրանքի անհրաժեշտությունների լուծումը: Ի՞նչ ժամանակն է Սահմանադրություն փոխելու: Այն հիմնավորումները, որոնք վարչապետն է առաջարկում, չեն համոզում, սահմանադրական կրիզիսի խնդիր չկա»:
Կոմպոզիտորի կարծիքով` իշխանության կողմից արվում է ամեն բան, որպեսզի հասարակության շրջանում լարվածություն ստեղծվի. «Ընտանեկան փոդքասթից մինչև սահմանադրության փոփոխություն. ամեն կերպ բորբոքում են հանրությանը, բոլոր մեխանիզմները օգտագործվում են»:
Մանրամասները`տեսանյութում:
Աննա Բաբաջանյան
