09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
ՀԱՄԱՍ-ն ազատ է արձակել երկու իսրայելցի պատանդի
Քաղաքականություն
22.02.2025 | 14:41
Պաղեստինյան ՀԱՄԱՍ խմբավորումը երկու իսրայելցի պատանդների է հանձնել Կարմիր Խաչի միջազգային կոմիտեին, վերջինս էլ ազատ արձակված անձանց փոխանցել է իսրայելական կողմին:
«Արմենպրես»-ի փոխանցմամբ՝ այս մասին հայտնում է ՌԻԱ Նովոստի-ն՝ վկայակոչելով Al Jazeera հեռուստաալիքը:
Պատանդների ազատ արձակումը հաստատել է նաև Իսրայելի պաշտպանության բանակի մամուլի ծառայությունը՝ մանրամասնելով, որ պատանդներն արդեն գտնվում են հրեական կողմում:
Նշվում է, որ պատանդների հանձնումը տեղի է ունեցել Գազայի հատվածի հարավում գտնվող Ռաֆահ քաղաքում:
Աղբյուրի հաղորդմամբ՝ ազատ արձակվածներն են Ավերա Մենգիստուն և Թալ Շոամը: Երկուսն էլ արդեն տեղավորվել են Կարմիր խաչի մեքենաներում։
Նշվում է, որ ևս չորս պատանդ, որոնք նախատեսվում է ազատ արձակել փետրվարի 22-ին, կհանձնվեն Կարմիր Խաչին՝ Գազայի կենտրոնում գտնվող Նուսեյրաթ ճամբարում:
Ավելի վաղ, 6 պատանդի ազատ արձակման մասին հայտնել է նաև Իսրայելի վարչապետ Բենիամին Նեթանյահուի գրասենյակը:
