05.09.2026 | 13:11
Փաշինյանը հեռացավ Սիմոնյանի ուղեկցությամբ. հարցերի չպատասխանեց․ ՏԵՍԱՆՅՈւԹ
ԼՂ խնդրի համապարփակ լուծումը կպահանջի փոխզիջումներ բոլոր կողմերից. ԵԱՀԿ ՄԽ համանախագահների հայտարարությունը
Քաղաքականություն
28.09.2018 | 09:53
Սեպտեմբերի 25-27-ը Նյու Յորքում՝ ՄԱԿ-ի Գլխավոր վեհաժողովի նստաշրջանի շրջանակում, ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա) և Էնդրյու Շոֆերը (ԱՄՆ) առանձին և համատեղ հանդիպումներ են ունեցել Հայաստանի և Ադրբեջանի արտգործնախարարներ Զոհրաբ Մնացականյանի և Էլմարդ Մամեդյարովի հետ. այս մասին ասվում է համանախագահների տարածած հայտարարության մեջ. փոխանցում է osce.org-ն:
Համանախագահները քննարկել են տարածաշրջանում տիրող իրավիճակը և հստակություններ մտցրել վերջերս արված որոշ հայտարարությունների և մտահոգությունների տեղիք տվող միջադեպերի վերաբերյալ: Համանախագահները խորը ափսոսանք են հայտնել շարունակվող անհիմն մահվան դեպքերի վերաբերյալ: Նրանք նախարարներին զգուշացրել են լարվածության վտանգների մասին և կոչ են արել կողմերին կառուցողական կերպով ներգրավվել դրական մթնոլորտում և խուսափել սադրիչ հռետորաբանությունից:
ԵԱՀԿ ՄԽ համանախագահներն ընդգծել են, համապարփակ լուծումը կպահանջի փոխզիջումներ բոլոր կողմերից:
Այս համատեքստում նախարարները հաստատել են բանակցային գործընթացն ակտիվացնելու ու լարվածության թուլացմանն ուղղված լրացուցիչ քայլեր ձեռնարկելու կարևորությունը:
Նախարարները համաձայնել են ևս մեկ անգամ հանդիպել մինչև տարեվերջ: Համանախագահները ծրագրում են մոտ ապագայում այցելել տարածաշրջան և այնուհետև զեկուցել ԵԱՀԿ Մինսկի խմբին և Մշտական խորհրդին բանակցությունների ընթացքի մասին:
