13.03.2026 | 16:40
IDBank-ը հայտարարում է IDDistributor ֆինանսական գործիքի գործարկման մասին
Կրեմլը հերքում է՝ ԱՄՆ-ի հետ բանակցություններում ՌԴ-ն չի բարձրացրել Արևելյան Եվրոպայից ՆԱՏՕ-ի ենթակառուցվածքների դուրսբերման հարցը
Քաղաքականություն
21.02.2025 | 17:31
Կրեմլը հերքել է արևմտյան լրատվամիջոցներում տարածվող տեղեկությունները, որ Էր Ռիադում ռուս-ամերիկյան վերջին բանակցությունների ժամանակ Մոսկվան բարձրացրել է Արևելյան Եվրոպայից ՆԱՏՕ-ի ենթակառուցվածքները դուրս բերելու հարցը, գրում է Ինտերֆաքսը։
«Ոչ, դա չի համապատասխանում իրականությանը։ Մեր դիրքորոշումն այն մասին, որ ՆԱՏՕ-ի ռազմական ենթակառուցվածքների՝ մի քանի ալիքներով դեպի մեր սահմաններ առաջխաղացումը, մեզ մտահոգության տեղիք է տալիս, բոլորին քաջ հայտնի է, ոչ մեկի համար գաղտնիք չէ»,- լրագրողներին ասել է ՌԴ նախագահի մամուլի խոսնակ Դմիտրի Պեսկովը։
Բացի այդ՝ լրագրողները Պեսկովին խնդրել են մեկնաբանել այն թեզը, թե ԱՄՆ վարչակազմը դարձել է «ռուսամետ և հակաուկրաինական»։
«Ես կարծում եմ, որ դա սխալ տպավորություն է»,- պատասխանել է նա։
Կրեմլի խոսնակը նշել է, թե, իբր, Կիևը «բացառում է խաղաղ բանակցությունների հնարավորությունը և չի ցանկանում զբաղվել խաղաղության կառուցմամբ»։
Թարգմանությունը՝ Էմմա Չոբանյանի
