08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
G7-ի երկրները հրաժարվել են ռուսական նավթամթերքի դեմ պատժամիջոցների խստացումից՝ ԱՄՆ-Ռուսաստան բանակցություններից հետո
Քաղաքականություն
21.02.2025 | 14:49
«Մեծ յոթնյակի» երկրները չեն իջեցնի ռուսական նավթի գնի վերին շեմը, որպեսզի ստիպեն Կրեմլին հնարավորինս շուտ դադարեցնել պատերազմն Ուկրաինայում։ Այս մասին է վկայում G7-ի կոմյունիկեի նոր տարբերակը՝ կապված Ուկրաինա Ռուսաստանի լայնամասշտաբ ներխուժման երրորդ տարելիցի հետ, գրում է Bloomberg-ը։
Մասնավորապես, թարմացված հայտարարությունից հանվել է այն նշումը, որ ասոցիացիայի անդամ երկրները կհանձնարարեն իրենց ֆինանսների նախարարներին «սահմանափակել կամ ճշգրտել ռուսական նավթի առավելագույն գները՝ փորձելով Մոսկվային բանակցությունների մղել»։
Այս ձևակերպումը տեղ է գտել փետրվարի 18-ով թվագրված փաստաթղթի տարբերակում։
G7-ի կազմում են ԱՄՆ-ը, Գերմանիան, Մեծ Բրիտանիան, Ֆրանսիան, Իտալիան, Կանադան և Ճապոնիան։ Ռուսական նավթի «գնային վերին շեմը» միության երկրներում 2022 թվականի դեկտեմբերին սահմանվել է 60 դոլար՝ մեկ բարելի դիմաց։ 2023 թվականի փետրվարից ուժի մեջ են մտել նաև նավթամթերքի նկատմամբ սահմանափակումները՝ 100 դոլար մեկ բարել դիզելային վառելիքի և 45 դոլար՝ մեկ բարել մազութի դիմաց։
Թարգմանությունը՝ Տաթև Ֆռանգյանի
