27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Երուսաղեմի հայկական թաղամասում կինն իր տանը կացնով հարձակման է ենթարկվել
21.02.2025 | 22:57
Երուսաղեմի Հին քաղաքի հայկական թաղամասում հարձակվել են 50-ն անց կնոջ վրա։ Այս մասին հայտնել է Իսրայելի ազգային բժշկական ծառայությունից Մագեն Դեյվիդ Ադոմը, գրում է The Jerusalem Post-ը:
Նշվում է, որ կնոջ վրա կացնով տղամարդ է հարձակվել, որը ներխուժել է նրա տուն։ Կինը հայտնաբերվել է ծանր վիճակում՝ մարմնի վերին և վերջույթների թափանցող վնասվածքներով։ Նրան առաջին բժշկական օգնություն է ցուցաբերվել՝ արյունահոսությունը դադարեցնելու համար, կինը տեղափոխվել է Shaare Zedek հիվանդանոց միջին ծանրության վիճակում։
Իսրայելի ոստիկանությունը հայտնել է, որ իրավապահները դեպքի վայր են ժամանել կասկածյալի փախուստից անմիջապես հետո։ Հինգշաբթի ոստիկանությունը հայտարարել է, որ Երուսաղեմի շրջանի Դավիդ թաղամասի աշխատակիցներին հաջողվել է գտնել կասկածյալի հետքը, որը փախել էր երկրի հյուսիս։ Նրան ձերբակալել են Տիբերիայի ոստիկանական բաժանմունքի աշխատակիցները։
Թարգմանությունը՝ Էմմա Չոբանյանի
