14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
G20-ի շրջանակում հանդիպմանը Լավրովն ու Ֆիդանը ռուս-ուկրաինական պատերազմի ավարտի գործընթացն են քննարկել
Քաղաքականություն
21.02.2025 | 13:24
Թուրքիայի ԱԳ նախարար Հաքան Ֆիդանը Հարավաֆրիկյան Հանրապետության Յոհաննեսբուրգ քաղաքում G20-ի արտգործնախարարների հանդիպման շրջանակում զրուցել է նաև ՌԴ ԱԳՆ ղեկավար Սերգեյ Լավրովի հետ։ TRT Haber-ը, վկայակոչելով ԱԳՆ աղբյուրներից ստացված տեղեկատվությունը, նշում է, որ հանդիպման ընթացքում քննարկվել է ռուս-ուկրաինական պատերազմի ավարտի գործընթացն ու վերջին բանակցությունները։
ՌԴ ԱԳՆ տարածած հաղորդագրության համաձայն էլ՝ նախարարները քննարկել են երկկողմ օրակարգի առանցքային ասպեկտները, այդ թվում՝ համագործակցությունն առևտրատնտեսական ոլորտում։
«Տեղի է ունեցել մտքերի փոխանակում միջազգային և տարածաշրջանային որոշ հարցերի շուրջ։ Առանձին ուշադրություն է դարձվել Սիրիայում իրավիճակի հետագա կայունացմանն ուղղված երկու երկրների ջանքերի համակարգմանը։ Սերգեյ Լավրովն իր թուրք գործընկերոջը տեղեկացրել է Էր Ռիադում տեղի ունեցած ռուս-ամերիկյան շփումների արդյունքների մասին»,- ասվում է հաղորդագրության մեջ։
Հավելենք, որ ըստ թուրքական աղբյուրների՝ Լավրովը ծրագրում է հաջորդ շաբաթ այցելել Թուրքիա տարածաշրջանային շրջագայության շրջանակում։ Լավրովն Անկարայում է լինելու փետրվարի 24-25-ը։
Թարգմանությունը՝ Էմմա Չոբանյանի
