26.06.2026 | 21:09
Իրանը վերահաստատել է Հորմուզի նեղուցում նավագնացությունը վերահսկելու իր իրավունքը ու զգուշացրել Պարսից ծոցի երկրներին
Ավինյանը հեռացրել է «Տարոնի գլխավորությամբ վերցնում են բահերը (լապատկա) ու հայդե փողոցներով ձյուն մաքրելու» գրառումը (թարմացված)
Քաղաքականություն
20.02.2025 | 21:31
Երևանի քաղաքապետ Տիգրան Ավինյանը ֆեյսբուքյան իր էջից հեռացրել է 2016 թվականի այն գրառումը, որում քաղաքապետարանի անձնակազմին՝ Տարոն Մարգարյանի գլխավորությամբ, հորդորում էր վերցնել բահերն ու Երևան փողոցներից մաքրել ձյունը։
«Եթե ձյուն մաքրելու տեխնիկա չկա, լուծումը հետևյալն ա. քաղաքապետարանի անձնակազմը, Տարոնի գլխավորությամբ, վերցնում են բահերը (լապատկա) ու հայդե փողոցներով ձյուն մաքրելու»,- 2016 թվականի դեկտեմբերի 26-ին գրել էր ակտիվիստ Տիգրան Ավինյանը։
Այսօր, երբ Երևանում առատ ձյուն է տեղում, մարդիկ մնացել են կանգառներում, քանի որ ավտոբուսները կանգ են առել փողոցներում, ֆեյսբուքյան օգտատերերը տարածում են Ավինյանի գրառումը՝ նրան կոչ անելով գնալ և փողոցներից ձյունը մաքրել։ Այդ ամենից հետո մենք արձանագրեցինք, որ Ավինյանը հեռացրել է այդ գրառումը։ Իսկ Factor TV-ն այս էկրանապատկերն արել է այսօր՝ ժամը 20։27-ին։
Հ.Գ. Մեր հրապարակումից րոպեներ անց Տիգրան Ավինյանը վերականգնեց գրառումը։
Արփի Հակոբյան
