07.10.2026 | 11:20
Հայտնի է հունահռոմեական ոճի ըմբշամարտի Հայաստանի հավաքականի կազմն ԱԱ-ում
Այս փուլում «3+3»-ին միանալը Թբիլիսիի համար արդարացված չէ, թեև չի բացառվում՝ ապագայում այս իրողությունը փոխվի․ Վրաստանի խորհրդարանի փոխխոսնակ
Քաղաքականություն
20.02.2025 | 18:25
Վրաստանի իշխող «Վրացական երազանք» կուսակցությունից խորհրդարանի փոխխոսնակ Գիորգի Վոլսկին հայտարարել է, որ այս փուլում «3+3» ձևաչափին միանալը Վրաստանի համար ո՛չ քաղաքականապես, ո՛չ էլ տնտեսապես արդարացված չէ, թեև չի բացառվում, որ ապագայում այս իրողությունը փոխվի, գրում է netgazeti.ge-ն։
Նա նշել է, որ այս ձևաչափին մասնակցող երկրները դեռևս չեն կարգավորել իրենց հարաբերությունները միմյանց հետ։
«Աշխարհում տեղի ունեցող գործընթացները որոշում են Վրաստանի ապագա դիրքորոշումը։ Վրաստանի, մեր կառավարության համար կարևոր է, որ որևէ կերպ չվնասեն նրա քաղաքական իմիջին, արտաքին քաղաքականությանը կամ տնտեսական շահերին: Ապագայում կարող է ինչ-որ բան ի հայտ գալ, բայց այս փուլում, կարծես, ոչինչ չի արդարացնում մեր մասնակցությունն այս ձևաչափին՝ թե՛ քաղաքական, թե՛ տնտեսական տեսանկյունից։ Ուրեմն, եկեք սպասենք գործընթացներին»,- ասել է Վոլսկին:
Հավելենք, որ նախօրեին ՌԴ ԱԳ նախարար Սերգեյ Լավրովը հայտարարել էր, որ Վրաստանի համար «3+3» ձևաչափի դռները բաց են։
Այս ձևաչափը ներառում է Հայաստանի, Ադրբեջանի, Վրաստանի, Ռուսաստանի, Իրանի և Թուրքիայի մասնակցությունը, սակայն Թբիլիսին հրաժարվել է և չի մասնակցում աշխատանքներին։
Թարգմանությունը՝ Էմմա Չոբանյանի
