13.03.2026 | 16:46
Այս պահին Ռուսաստանի առաջնության լավագույն ֆուտբոլիստը Սպերցյանն է․ Տրոշեչկին
Արտատարածաշրջանային ուժերի միջամտությունը տարածաշրջանում անընդունելի է․ Ալիևը՝ Իրանի խորհրդարանի նախագահին
Քաղաքականություն
20.02.2025 | 16:11
Ադրբեջանի նախագահ Իլհամ Ալիևը Բաքվում Իրանի խորհրդարանի նախագահ Մոհամմադ Բաղեր Ղաիլբաֆի գլխավորած պատվիրակության հետ հանդիպման ժամանակ «ընդգծել է երկու երկրների ժողովուրդների ընդհանուր պատմական, մշակութային և կրոնական արմատները և ժողովուրդների մտերմությունը»։ Ադրբեջանական կողմի տարածած հաղոդագրության համաձայն՝ գոհունակությամբ նշելով Ադրբեջանի և Իրանի միջև վերջին շրջանում տարբեր մակարդակներով երկկողմ այցերի ինտենսիվ բնույթը՝ Ալիևը դա գնահատել է որպես հարաբերությունների դինամիկ զարգացման դրսևորում։
Ադրբեջանի նախագահն անդրադարձել է տնտեսական և առևտրի, տրանսպորտի, էներգետիկայի և այլ ոլորտներում համագործակցության հարցերին։ Նա ընդգծել է Հյուսիս-Հարավ տրանսպորտային միջանցքի կարևորությունը, ասել, որ Բաքուն անհրաժեշտ քայլեր է ձեռնարկել այդ միջանցքի ադրբեջանական հատվածում բեռնափոխադրումների հնարավորությունները մեծացնելու համար։
«Երկրի ղեկավարը նշել է, որ ինտենսիվ աշխատանքներ են տարվում Աղբենդի անցակետի կառուցման ուղղությամբ, և որ այս նախագիծը կնպաստի տարածաշրջանի տրանսպորտային կարողությունների մեծացմանը։ Նախագահ Ալիևն ասել է, որ տարածաշրջանային խնդիրները պետք է լուծեն տարածաշրջանի երկրները, և որ արտատարածաշրջանային ուժերի միջամտությունն անընդունելի է՝ ընդգծելով «3+3» ձևաչափի կարևորությունը»,- ասվում է հաղորդագրության մեջ։
Ղարիբաֆն էլ իր հերթին հայտնել է տարածաշրջանի երկրների կողմից տարածաշրջանային խնդիրների լուծման՝ Իրանի մոտեցման մասին։ Նա ընդգծել է միջազգային կազմակերպությունների շրջանակում Ադրբեջանի և Իրանի փոխադարձ աջակցությունն ու սերտ համագործակցությունը՝ նշելով «3+3» ձևաչափի կարևորությունը։
Հիշեցնենք, որ Իրանի խորհրդարանի նախագահն ավելի վաղ հանդիպել էր Ադրբեջանի Միլլի Մեջլիսի խոսնակին։
Թարգմանությունը՝ Էմմա Չոբանյանի
