08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
«Արդյունք կա».Պուտինը բարձր է գնահատել ռուս-ամերիկյան բանակցությունները
19.02.2025 | 21:59
ՌԴ նախագահ Վլադիմիր Պուտինը հայտարարել է, որ «բարձր է գնահատում» ռուս-ամերիկյան բանակցությունների արդյունքները, որոնք տեղի են ունեցել փետրվարի 18-ին Էր Ռիադում, գրում է Meduza-ն։
«Այո՛, ինձ զեկուցել են արդյունքների մասին։ Ես դրանք գնահատում եմ բարձր։ Արդյունք կա»,- ասել է Պուտինը։
Նա նաև հաստատել է, որ Մոսկվան և Վաշինգտոնը «համաձայնել են վերսկսել դիվանագիտական առաքելությունների բնականոն աշխատանքը»։
Այս մասին նախօրեին հայտարարել էր նաեւ ԱՄՆ պետքարտուղար Մարկո Ռուբիոն։ ՌԴ նախագահի խոսքով՝ դիվանագիտական առաքելությունների աշխատանքին խոչընդոտելը «ոչ մի լավ բանի չի հանգեցնի»։ «Եթե գործերն այսպես շարունակվեն, այդ շենքերում միայն հավաքարարներն են աշխատելու»,- ասել է Պուտինը։
Ըստ նրա`ԱՄՆ նախագահ Դոնալդ Թրամփն իրեն ասել է, որ ռուս-ուկրաինական պատերազմի շուրջ բանակցային գործընթացը տեղի է ունենալու Ուկրաինայի մասնակցությամբ, և ոչ ոք նրան չի բացառում բանակցություններից։
Պուտինը նաև պատմել է, որ Սաուդյան Արաբիայում ռուս-ամերիկյան հանդիպմանը, ի թիվս այլ հարցերի, քննարկվել են տնտեսությունը, էներգետիկան և տիեզերքը։
Նա հավելել է, որ ցանկություն ունի հանդիպելու Թրամփի հետ, սակայն հանդիպումը պետք է նախապատրաստել, որպեսզի արդյունք լինի։
Թարգմանությունը`Էմմա Չոբանյանի
