05.04.2026 | 12:48
Ցավը խորանում է, երբ շարունակվում է սերմանվել պառակտումի որոմը․ Գարեգին Բ կաթողիկոս
Լավրովը հայտարարել է, որ Վրաստանի համար «3+3» ձևաչափի դռները բաց են
19.02.2025 | 20:33
Ռուսաստանի ԱԳ նախարար Սերգեյ Լավրովը հայտարարել է, որ Վրաստանի համար «3+3» ձևաչափում դռները բաց են, և «աթոռը դրված է», փոխանցում է ՏԱՍՍ-ը։
«Ի սկզբանե բոլորը համաձայն էին, որ մենք ունենք «3+3» ձևաչափ, և որ մենք հասկանում ենք Վրաստանի դիրքորոշման կասկածներն ու նրբությունները, բայց Վրաստանի ներկայացուցիչների տեղը միշտ կլինի այս ձևաչափի նիստերի դահլիճում»,- ասել է ՌԴ ԱԳՆ ղեկավարը՝ ելույթ ունենալով Պետդումայում։
Նա նշել է, որ նման մոտեցումը հաստատվել է նախարարների վերջին հանդիպման ժամանակ. «Մենք վրացական կողմին հաստատել ենք, որ դռները բաց են, աթոռը՝ դրված է»։
Լավրովի խոսքով՝ Վրաստանի ներկայիս ղեկավարությունը հենվում է երկրի ազգային շահերի վրա։ «Կասկած չկա, որ «երեք գումարած երեքը» բոլոր մասնակիցների շահերից է բխում»,- ասել է նա։ Լավրովը ուշադրություն է հրավիրել այն փաստի վրա, որ «3+3» ձևաչափով վերջին հանդիպմանը «որոշում է կայացվել այս խորհրդատվական հարթակը վերածել ավելի կառուցվածքային կազմակերպության»։
Լավրովը պաշտպանել է պատգամավորների առաջարկը՝ ստեղծել «3+3» ձևաչափով միջխորհրդարանական հանձնաժողով՝ համագործակցության լրացուցիչ մեխանիզմներ կազմակերպելու համար։
Թարգմանությունը՝ Էմմա Չոբանյանի
