24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
Կիևից պատասխանել են Թրամփին․ Զելենսկիի վստահության մակարդակն աճել է՝ հասնելով 57%-ի
Քաղաքականություն
19.02.2025 | 15:25
Ուկրաինացիների կեսից ավելին վստահում է երկրի նախագահ Վլադիմիր Զելենսկիին։ Հակառակ ԱՄՆ նախագահ Դոնալդ Թրամփի պնդմանը՝ վերջին ամիսներին նրա վարկանիշն աճել է: Այս մասին հայտարարել է Կիևի սոցիոլոգիայի միջազգային ինստիտուտը, գրում է ՌԲԿ Ուկրաինան։
Ըստ աղբյուրի՝ 2025 թվականի փետրվարի առաջին կեսի դրությամբ՝ Զելենսկիին վստահում է ուկրաինացիների 57%-ը, նրան չի վստահում 37%-ը։ Վստահություն-անվստահություն հավասարակշռությունը +20% է:
Վստահության ցուցանիշները մի փոքր բարելավվել են 2024 թվականի դեկտեմբերի վերջին հետազոտության համեմատ, երբ 52%-ը վստահում էր նրան, 39%-ը՝ չէր վստահում, իսկ վստահություն-անվստահություն հարաբերակցությունը +13% էր։
Կիևի սոցիոլոգիայի միջազգային ինստիտուտը 2025 թվականի փետրվարի 4-9-ը հարցում է անցկացրել է 1000 անձի շրջանում։ Այն չի ներառել այն տարածքների բնակիչներին, որոնք Ուկրանիայի վերահսկողության տակ չեն։
Ինստիտուտի փոխտնօրեն Անտոն Գրուշեցկին նշել է, որ Զելենսկին բավականին բարձր վստահություն է պահպանում հասարակության շրջանում, ավելին, պահպանում է լեգիտիմությունը։ Նրա խոսքով՝ ժողովրդավարական հասարակության համար վստահության ներկայիս մակարդակը շատ լավ արդյունք է։
Հիշեցնենք, որ ԱՄՆ նախագահ Դոնալդ Թրամփը հայտարարել էր, թե Զելենսկիի վարկանիշն «իջել է 4%-ի», և պետք է երկրում ընտրություններ անցկացնել։
Թարգմանությունը՝ Էմմա Չոբանյանի
