30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Գիրք նվիրելու օրը արդարադատության նախարարը ցմահ դատապարտյալից գիրք է նվեր ստացել
Հասարակություն
19.02.2025 | 13:09
Արադարադատության նախարարությունում նշել են Հովհաննես Թումանյանի ծննդյան օրը և գիրք նվիրելու տոնը․ հայտնում են գերատեսչությունից։
Արդարադատության նախարար Սրբուհի Գալյանն օրվա խորհրդին համապատասխան «Գանձը կյանքի» գիրքը նվեր է ստացել հեղինակ, ցմահ դատապարտյալ Հակոբ Խաչատրյանից: 2024 թվականին լույս տեսած այս չափածո վեպը հեղինակի ապրումների, սայթաքումների, հավատը կորցնելու ու վերագտնելու մասին է: Անազատության մեջ գտնվելով նա փորձել է խորհել ստի, անարդարության, կյանքի իմաստի և կարճատևության մասին: Գրքում հանդիպում ենք այս տողերին. «Մի նահանջիր և ոչ մի բարի առաքինությունից և ոչ մի չար արատ քեզ չի հեռացնի նրանից, որովհետև արատի համար անհրաժեշտ է առաքինություն, ինչպես հիվանդության համար՝ առողջություն, ստի համար՝ ճշմարտություն, մահվան համար՝ կյանք, խավարին՝ լույս, իսկ չարին անհրաժեշտ է բարին»:
«Գիրք նվիրելու օր»-ը չէր շրջանցել նաև նախարարության աշխատակիցներին: Աշխատանքային օրն սկսվել էր միմյանց գիրք նվիրելով։ Աշխատակիցները հիմնականում նախընտրել են գեղարվեստական և մասնագիտական գրականություն։
