09.08.2026 | 16:37
Վթարային ջրանջատում Կտայքում և Երևանում
Հայկ Մարությանը դժվար բեռ վերցրեց իր ուսերին. Էդվարդ Միլիտոնյան
Քաղաքականություն
27.09.2018 | 18:39
Հայկ Մարությանը դժվար բեռ վերցրեց իր ուսերին: Այսօր՝ սեպտեմբերի 27-ին հրավիրված ասուլիսում այս մասին հայտարարեց Հայաստանի Գրողների միության նախագահ Էդվարդ Միլիտոնյանը՝ հույս հայտնելով, որ նա պատվով ու պատասխանատվության կկատարի իր գործը:
Միլիտոնյանը կարծում է՝ Երևանը բարդ քաղաք է. «Իշխանությունները կամ մեծատուններն իրենք են, կարծես, որոշում քաղաքի դեմքը: Մայթերը վերցրեցին, դարձրեցին կաֆեներ, շենքերը… Ա՛յ, օրինակ, Ոսկու շուկան՝ հին բաղնիքի շենքը, որ հետաքրքիր շենք էր: Բայց ի՞նչ եղավ մեր աչքի առաջ. շենքն առաջ եկավ, փայլփլուն ապակիներ հայտնվեցին, և էս պլպլան, ողորկ անիմաստոությունը, փաստորեն, գցեց այդ փողոցի դիմագիծը»:
Էդվարդ Միլիտոնյանի խոսքով՝ Երևանում հայտնված բարձրահարկ շենքերը տարբեր քաղաքներից նմանակած են, ինչը ճիշտ չի համարում: «Կապկում են ուղղակի: Մենք, որ ունենք հիանալի ճարտարապետություն և կապկում ենք ամեն երրորդ-չորրորդական որակի շենք, ճիշտ չէ: Բացի այդ՝ կենտրոնացել են միայն Կենտրոնի վրա, բայց մենք ունենք նաև արվարձանները, էս քաղաքը մենակ Կենտրոնը չի: Շրջեք արվարձաններում, որևէ քաղաքաշինական ուշադրություն, հոգատարություն նկատե՞լ եք»,- հավելեց գրողը:
Գրականագետ Դավիթ Գասպարյանն էլ, անդրադառնալով Երևանի ավագանու ընտրություններին, նշեց, որ ժողովուրդը ոչ թե քաղաքապետ ընտրեց, այլ ընտրության գնաց վարչապետի հորդորով: «Այս ընտրության կապակցությամբ ուզում եմ ասել, որ դեռ շատ մեծ է ժողովրդի վստահությունը վարչապետի հանդեպ: Ժողովուրդն ընտրեց ոչ թե քաղաքապետ, այլ գնաց վարչապետի հորդորով: Ուրեմն՝ ժողովրդի ուժը, հավատը, վստահությունը դեռ ամուր է իր ղեկավարի հանդեպ»,- նշեց գրականագետը:
Մանրամասները՝ տեսանյութում:
