27.06.2026 | 11:42
Ուկրաինան հրթիռային հարված է հասցրել «Օրեշնիկ» արտադրող գործարանին
Hraparak.am-ը հրապարակել է դիվանագիտական անձնագրերից զրկված 254 անձանց ցուցակը
27.09.2018 | 16:23
Նոր իշխանությունների 4-ամսյա քայլերի մեջ ամենաուշագրավներից մեկը նախկին պաշտոնյաներին դիվանագիտական անձնագրերից զրկելու որոշումն էր. գրում է hraparak.am-ը:
ՀՀ նոր իշխանությունը որոշել է դիվանագիտական անձնագրից զրկի ոչ միայն քրեական հետապնդման ենթարկվող Հովիկ Աբրահամյանին, այլեւ Հրանտ Բագրատյանին եւ Կարեն Կարապետյանին։ Տիգրան Սարգսյանը, Արամ Սարգսյանը եւ Խոսրով Հարությունյանը չեն զրկվել, քանի որ ի պաշտոնե իրավունք ունեն ունենալու։ Դիվանագիտական անձնագրերից զրկվել են նաեւ նախկին առաջին տիկինները, սակայն միայն Բելլա Քոչարյանն ու Ռիտա Սարգսյանը, Լյուդմիլա Տեր-Պետրոսյանի անունը ցանկում չկա։ Զրկվել է նաեւ Գագիկ Ծառուկյանի կինը՝ Ջավահիր Ծառուկյանը։ Դիվանագիտական անձնագրից զրկվողների ցանկում են նաեւ նախկին օմբուդսմեն Կարեն Անդրեասյանը։ Այստեղ կան նաեւ ռեկտորների անուններ, օրինակ՝ բժշկականի ռեկտոր Արմեն Մուրադյանը, անգամ Գիտությունների ազգային ակադեմիայի նախագահ Ռադիկ Մարտիրոսյանը, շախմատիստ Սմբատ Լպուտյանը։ Եւ վերջապես գործարարներ ու հասարակական գործունեությամբ զբաղվող շատ անձինք, օրինակ՝ Հայաստանում մեծածավալ ծրագրեր իրականացնող «Տաշիրգրուպի» սեփականատեր Սամվել Կարապետյանը։
Հ.Գ. Նշենք , որ սկզբնաղբյուր կայքի հրապարակած ցուցակում կան կրկնվող անուն ազգանուններ: Ցուցակը ներկայացնում ենք նույնությամբ
