30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Հայաստանի գրողների միությունը հրապարակել է նախագահության ամենամյա մրցանակաբաշխության արդյունքները
Հասարակություն
15.02.2025 | 13:56
Հայաստանի գրողների միության նախագահության ամենամյա մրցանակաբաշխությանը մրցանակներ են տրվել այն հեղինակներին, որոնք հետաքրքիր և արժեքավոր գրքեր են հրատարակել 2024 թվականին․ հայտնում են միությունից։
Դ. Դեմիրճյանի անվան մրցանակները (արձակ) տրվել են Ալիս Հովհաննիսյանին՝ «Աղանդերի դարը և հետոն» և Շանթ Մկրտչյանին՝ «Տունը երազի ափին» գրքերի համար:
Ավետիք Իսահակյանի անվան մրցանակները (պոեզիա) տրվել են Գոհար Գալստյանին՝ «Բառ ընդ ժամանակս» և Գագիկ Սարոյանին՝ «Այլ» գրքերի համար:
Միքայել Նալբանդյանի անվան մրցանակները (հրապարակագրություն) շնորհվել են Գագիկ Դավթյանին՝ «Իմ Սևակը» և Տիգրան Նիկողոսյանին՝ «Կյանքը բաց նամակներում» գրքերի համար:
Հովհաննես Մասեհյանի անվան մրցանակը (թարգմանական գրականություն) ստացել է Գրիգոր Ջանիկյանը՝ երեք թարգմանական գրքերի համար:
Նիկոլ Աղբալյանի անվան մրցանակը (գրականագիտություն, գրաքննադատություն) հանձնվել է Մանասեին՝ «Թևածող անթարգմանելին» գրքի համար:
Վախթանգ Անանյանի անվան մրցանակը (մանկական գրականություն) տրվել է Նանեին՝ «Թևթևիկը» գրքի համար։
Հովհաննես Թումանյանի անվան մրցանակը տրվել է Աելիտա Դոլուխանյանին, Վազգեն Սարգսյանի անվան ՀԳՄ և ԵԿՄ մրցանակը՝ Ռոբերտ Եսայանին, Եղիշե Չարենցի անվան Ծաղկաձորի ստեղծագործական տան մրցանակները հանձնվել են Հակոբ Մովսեսին «Գրառումներ 4» և Արմենուհի Սիսյանին «Մեղեդին չի ավարտվում» գրքերի համար, Ավետիք Իսահակյանի անվան Սևանի ստեղծագործական տան «Վարպետ» անվամբ մրցանակը տրվել է Էդվարդ Միլիտոնյանին Ավ. Իսահակյանին նվիրված շարք, «Պատմության շախմատ» և «Ամենալավ նվերը» գրքերի համար (առանց մրցանակային գումարի):
Համահայկական գրական հիմնադրամի մրցանակին արժանացել է Մհեր Իսրայելյանը «Երեք Ա-ի ինքնամոռաց արշավանքը» գրքի համար։
ՀԳՄ նախագահությունը շնորհակալություն է հայտնել հովանավորներին՝ Նաթելլա Լալաբեկյանին, ԵԿՄ-ին, «Լոռի» հայրենակցական միությանը, Սերգո Երիցյանի ընտանիքին։
