27.06.2026 | 11:13
84 տարեկանում մահացել է երգչուհի Ռաիսա Մկրտչյանը
Երևանում 50 հազար դոլար հափշտակելու կասկածանքով 4 օտարերկրացի է ձերբակալվել
14.02.2025 | 23:31
Երեւանում 50 հազար դոլար հափշտակելու կասկածանքով 4 օտարերկրացի է ձերբակալվել Քրեական ոստիկանության ծառայողները ավազակային հարձակում կատարելու կասկածանքով ձերբակալել են 4 օտարերկրացու և ներկայացրել նախաքննական մարմին: Այս մասին Factor.am-ին հայտնեց ՆԳՆ մամուլի խոսնակ Նարեկ Սարգսյանը:
Խոսնակի փոխանցմամբ` հայտնաբերվել է նաև հափշտակած գումարի մի մասը:
Մեր տեղեկություններով` հափշտակվել է 50 հազար դոլար:
Հիշեցնենք` փետրվարի 12-ին՝ ժամը 18:00-ին, շտապօգնության ենթակայանից ՆԳՆ ոստիկանություն հաղորդում էր ստացվել, որ Րաֆֆու փողոցում 61-ամյա տղամարդ է գլխի վնասվածք ստացել: «Ըստ նախնական տեղեկությունների՝ տեղի է ունեցել ավազակային հարձակում։ Ոստիկանները փողոցում հայտնաբերել են արնանման հետքեր, գազային ատրճանակի պարկուճներ»,- հայտնել էր ՆԳՆ մամուլի խոսնակ Նարեկ Սարգսյանը:
Արփի Հակոբյան
