24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
Մյունխենում մեկնարկել է Զելենսկիի և ԱՄՆ փոխնախագահի հանդիպումը
Քաղաքականություն
14.02.2025 | 21:59
Մյունխենում մեկնարկել է Ուկրաինայի նախագահ Վլադիմիր Զելենսկիի հանդիպումը ԱՄՆ փոխնախագահ Ջեյ Դի Վենսի հետ։ Այս մասին հայտնել է պետության ղեկավարի մամուլի քարտուղար Սերգեյ Նիկիֆորովը։
Հանդիպման մանրամասները դեռևս հայտնի չեն:
Ավելի վաղ հայտնի էր դարձել, որ Զելենսկիի և Վենսի հանդիպումը հետաձգվել է մի քանի ժամով։ Դա պայմանավորված էր այն բանով, որ ուկրաինական կողմը լրամշակել է ԱՄՆ-ի հետ գործընկերության հուշագիրը և այն այսօր փոխանցել ամերիկյան կողմին։
Հիշեցնենք, որ փետրվարի 12-ին Ուկրաինայի հետ տնտեսական գործընկերությունը քննարկելու համար Կիև էր ժամանել ԱՄՆ ֆինանսների նախարար Սքոթ Բեսենտը: Այնուհետև Զելենսկին ասել էր, որ ԱՄՆ-ն փոխանցել է գործընկերության համաձայնագրի առաջին նախագիծը, որը նախատեսում է ներդրումներ կատարել Ուկրաինայի օգտակար հանածոներում՝ հետագա օգնության դիմաց:
