06.10.2026 | 10:07
Եղիշե Մելիքյանը՝ Չեռնոգորիայի հավաքականի հետ ոչ-ոքիի մասին. ՏԵՍԱՆՅՈՒԹ
Հոգեբանական աջակցություն Ստեփանավան քաղաքում տեղի ունեցած խոշոր հրդեհից տուժածներին
Հասարակություն
14.02.2025 | 17:18
2025 թվականի փետրվարի 8-ին Հայաստանի Հանրապետության ՆԳՆ փրկարար ծառայության հոգեբանական աջակցության բաժնի մասնագետները մեկնել են Լոռու մարզի Ստեփանավան քաղաք՝ Աշոտաբերդ թաղամասում տեղի ունեցած ծանր հրդեհի հետևանքով տուժած քաղաքացիներին հոգեբանական աջակցություն ցուցաբերելու նպատակով․ տեղեկացնում են ՆԳՆ ՓԾ-ից։
Հոգեբանական աջակցությունն արտակարգ իրավիճակների մասնագետների կողմից ուղղված է եղել տուժած քաղաքացիների հոգեկան վիճակի բարելավմանը, սթրեսային իրավիճակների ազդեցության մեղմացմանը։ Աշխատանքի նպատակն էր ոչ միայն սթրեսի մակարդակի նվազեցումը, այլև տուժածների մոտ հաղթահարման մեխանիզմների ձևավորումը, աջակցության տրամադրումը և այդ ծանր փորձությունների հաղթահարման գործընթացում վերջիններիս աջակցության ցուցաբերումը։
Դեպքի վայրում հոգեբանները հոգեբանական առաջին օգնություն են տրամադրել ընդհանուր թվով 20 քաղաքացու, ովքեր անմիջականորեն տուժել էին տեղի ունեցած հրդեհից։ Նրանք ստացել են հատուկ խորհրդատվություն, որը միտված էր հոգեկան լարվածությունը նվազեցնելուն և հոգեբանական վերականգնմանը։
Նշենք, որ ՆԳՆ փրկարար ծառայության հոգեբանական աջակցության բաժինը մշտապես հոգեբանական աջակցություն է տրամադրում բոլոր այն քաղաքացիներին, ովքեր հայտնվում են արտակարգ իրավիճակներում և ունեն հոգեբանական օգնության կարիք։ Հոգեբանական աջակցությունն ունի կարևոր դեր, հատկապես խոցելի խմբերի համար, որը նպաստում է ոչ միայն ֆիզիկական վերականգնմանը, այլև զգալի դեր է խաղում հոգեկան առողջության բարելավման գործում, հատկապես այնպիսի իրավիճակներում, երբ քաղաքացիները ստիպված են լինում դիմակայել դժվարին և հոգեբանորեն ծանր իրավիճակներին։
