25.05.2026 | 19:19
Անցկացվել է «Փայտփորիկ» սոլֆեջոյի երկրորդ հանրապետական օլիմպիադայի առաջին փուլը
Կրեմլը՝ Չեռնոբիլի ատոմակայանին ԱԹՍ-ով հարվածի մասին
Քաղաքականություն
14.02.2025 | 16:09
ՌԴ նախագահի մամուլի խոսնակ Դմիտրի Պեսկովը մեկնաբանել է Չեռնոբիլի ատոմակայանին անօդաչու թռչող սարքով հասցված հարվածը՝ տեղեկությունն իրականությանը չհամապատասխանող որակելով, գրում է BBC-ի ռուսական ծառայությունը։
«Խոսքը, ամենայն հավանականությամբ, հերթական սադրանքի, կեղծիքի մասին է։ Սա հենց այն է, ինչ սիրում է Կիևի ռեժիմը և երբեմն չի վարանում անել։ Ես գիտեմ մի բան. խոսք լինել չի կարող միջուկային ենթակառուցվածքի որևէ օբյեկտի, միջուկային էներգետիկ ենթակառուցվածքների վրա հարձակումների մասին: Ուստի ցանկացած նման պնդում չի համապատասխանում իրականությանը»,- լրագրողների հետ ճեպազրույցում ասել է Դմիտրի Պեսկովը՝հավելելով
Ուկրաինայի նախագահ Վլադիմիր Զելենսկին ավելի վաղ հայտնել էր, որ ռուսական հարվածային անօդաչու թռչող սարքը, զինված հզոր պայթուցիկ մարտագլխիկով, երեկ երեկոյան հարվածել է Չեռնոբիլի ատոմակայանի ավերված 4-րդ էներգաբլոկի՝ ճառագայթումից աշխարհը պաշտպանող սարկոֆագին։
Ատոմային էներգիայի միջազգային գործակալության (ՄԱԳԱՏԷ) հաղորդագրության համաձայն՝ Չեռնոբիլի հարթակում աշխատող գործակալության թիմը տեղական ժամանակով 01:50-ին (Մոսկվայի ժամանակով՝ 02:50-ին) պայթյուն է լսել։
Թարգմանությունը՝ Էմմա Չոբանյանի
