25.05.2026 | 21:42
Օսիպյանը քաղբանտարկյա՞լ․ արցախցի գործիչը հացադուլի մեջ է, քաղհասարակությունը պահանջում է ազատել նրան․ ՏԵՍԱՆՅՈՒԹ
Բաքվում այսօր տեղի կունենա Ռուբեն Վարդանյանի շինծու գործերով հերթական դատական նիստը
Քաղաքականություն
13.02.2025 | 11:10
Բաքվում այսօր կշարունակվի Արցախի նախկին պետնախարար Ռուբեն Վարդանյան շինծու գործերով դատավարությունը։ Ադրբեջական լրատվամիջոցների հաղորդմամբ՝ այսօր դատական նիստը շարունակվելու է պետական դատախազների կողմից մեղադրական եզրակացության հրապարակմամբ։
Հիշեցնենք՝ նախորդ դատական նիստը տեղի էր ունեցել փետրվարի 10-ին։ Նախագահող դատավորը հայտարարել էր, որ դատավարությանը նոր թարգմանիչներ են բերվել։ Ավելի ուշ, անդրադառնալով Ռուբեն Վարդանյանի միջնորդությունները չբավարարելուն, փաստաբանը հայտարարել էր, որ գործը քննող դատավորների կոլեգիան շահագրգռված է քրեական հետապնդմամբ և բացարկի միջնորդություն էր ներկայացրել դատարանի կազմին։ Խորհրդակցությունից հետո հայտարարված որոշմամբ դատարանն առանց քննարկման էր թողել բացարկի միջնորդությունը։
Դատական նիստը շարունակվել էր մեղադրական եզրակացության եզրափակիչ մասի ընթերցմամբ։
Հավելենք, որ Արցախի մյուս պաշտոնյաների՝ շուրջ 15 անձի գործով դատական նիստը տեղի կունենա փետրվարի 14-ին։
Թարգմանությունը՝ Էմմա Չոբանյանի
