09.10.2026 | 10:39
Թրամփը հայտարարել է, որ ԱՄՆ-ը մինչև նոյեմբերին կայանալիք միջանկյալ ընտրությունները չի հարձակվի Իրանի վրա
Թրամփը Պուտինի հետ հանդիպում է ակնկալում Սաուդյան Արաբիայում՝ «ոչ հեռավոր ապագայում»
Քաղաքականություն
13.02.2025 | 11:43
ԱՄՆ նախագահ Դոնալդ Թրամփը հայտարարել է, որ ՌԴ նախագահ Վլադիմիր Պուտինի հետ հայտարարված հանդիպումը կարող է տեղի ունենալ Սաուդյան Արաբիայում։ Հանդիպման ժամկետը որոշված չէ, սակայն Թրամփը հայտարարել է, որ այն տեղի կունենա «ոչ շատ հեռավոր ապագայում»:
«Մենք առաջին անգամ կհանդիպենք Սաուդյան Արաբիայում։ Կտեսնենք, թե ինչպես դա կանենք։ Դեռ չենք որոշել՝ երբ, բայց ոչ հեռու ապագայում»,- ասել է Դոնալդ Թրամփը Սպիտակ տանը լրագրողների հետ զրույցում, փոխանցում է CBS news-ը։
Փետրվարի 12-ին հեռախոսազրույց է տեղի ունեցել նախագահներ Վլադիմիր Պուտինի և Դոնալդ Թրամփի միջև։ Հանդիպումից հետո ՌԴ նախագահի մամուլի քարտուղար Դմիտրի Պեսկովը հայտնել է, որ իրենք պայմանավորվել են անձնական հանդիպում կազմակերպել։ Վլադիմիր Պուտինը, Պեսկովի խոսքով, Դոնալդ Թրամփին հրավիրել է Մոսկվա։
Թրամփը Պուտինի հետ հեռախոսազրույցը շատ արդյունավետ է որակել:
Պուտինի հետ զրույցից հետո ԱՄՆ նախագահը հեռախոսազրույց է ունեցել նաև Ուկրաինայի նախագահ Վլադիմիր Զելենսկիի հետ։
Թարգմանությունը՝ Տաթև Ֆռանգյանի
