20.03.2026 | 19:21
Նոր նշանակումներ Քննչական կոմիտեում
Հարկերը դառնում են 1 %, եթե ապրանքները գրանցում եք․ Փաշինյանը՝ շրջանառության հարկից դժգոհող քաղաքացիներին․ ՏԵՍԱՆՅՈՒԹ
Տնտեսություն
12.02.2025 | 17:22
«Մեր տիրապետած վիճակագրությունը, որ շրջանառության հարկ վճարողների 61, 7 տոկոսը տարեկան ցույց է տալիս մինչև 10 մլն դրամի շրջանառություն, 10 մլն-ի հաշվարկով ստացվում է, որ օրը մոտ 27.000 դրամի առևտուր են անում մեր սիրելի հայրենակիցները։ Ամբողջ տարվա ընթացքում նրանք վճարում են 500 հազար դրամ հարկ»,- այս մասին ԱԺ-Կառավարություն հարցուպատասխանի ժամանակ ասաց ՀՀ վարչապետ Նիկոլ Փաշինյանը՝ անդրադառնալով շրջհարկի բարձրացումից բողոքող տնտեսվարողների խնդիրներին։
Ըստ Կառավարության ղեկավարի՝ մյուս կողմից, շատ է քննարկումը, թե որքանով է սա ճիշտ։ «Մենք մի քանի տարի խնդրում ենք մարդկանց ու ասում՝ նաև դրա համար ենք հեղափոխություն արել, որ մեր հարկային պարտավորությունները բոլորս թափանցիկ իրականացնենք։ Հարկերը դառնում են 1 %, եթե ապրանքները գրանցում եք»,- ասաց նա։
Վարչապետի խոսքով՝ իրենք պատրաստ են բոլոր հնարավոր միջոցները ձեռնարկել, որպեսզի մարդիկ օրինական դաշտում հնարավորինս հարմարավետ աշխատեն։
Մանրամասները՝ տեսանյութում։
