13.01.2026 | 18:20
ԵՄ-ն խոստանում է պատժամիջոցներ կիրառել Իրանի նկատմամբ «սարսափելի զոհերի պատճառով»
Մենք ժամանակի ընթացքում գնալու ենք նրան, որ ՀԷՑ-ը այլևս չլինի մեր մատակարարը․ Սեդա Շահինյան․ ՏԵՍԱՆՅՈՒԹ
Տնտեսություն
12.02.2025 | 14:19
«Մենք ժամանակի ընթացքում գնալու ենք նրան, որ ՀԷՑ-ը այլևս չլինի մեր մատակարարը, ներկայումս ՀԷՑ-ը մեր երաշխավորված մատակարարն է»,- «Հայաստանի էներգետիկ անվտանգությունը. մարտահրավերներ և լուծումներ» թեմայով քննարկման ժամանակ ասաց Հանրային ծառայությունները կարգավորող հանձնաժողովի անդամ Սեդա Շահինյանը։
«Անկախ նրանից, թե մրցակցային հատվածում, ես` որպես սպառող, ինչ մրցակցային մատակարարի եմ ընտրել, եթե ինչ-որ օբյեկտիվ կամ սուբյեկտիվ պատճառով նշված հարաբերությունը կխզվի, այսինքն` այդ մատակարարը ինձ այլևս չի մատակարարի, ես իմ տանը պիտի վառեմ լույս և ունենամ այդ լույսը, և դա ինձ պետք է երաշխավորի Հայաստանի էլեկտրական ցանցերը»,- ասում է Շահինյանը։
Նրա խոսքով՝ նոր օրենսդրությունը ենթադրում է, որ երաշխավորած մատակարարի դերը ՀԷՑ-ից կանցնի մեկ այլ ընկերության։
«Մենք խնդիր ունենք ընդունելու էներգետիկայի մասին նոր օրենք՝ համահունչ եվրոպական երկրներին»,- նշեց Հանրային ծառայությունները կարգավորող հանձնաժողովի անդամը։
Մանրամասները՝ տեսանյութում։
