13.01.2026 | 18:20
ԵՄ-ն խոստանում է պատժամիջոցներ կիրառել Իրանի նկատմամբ «սարսափելի զոհերի պատճառով»
Թուրքիայի խորհրդարանի պատգամավորը քննադատել է Ադրբեջանում իրականացվող բռնաճնշումները
Քաղաքականություն
12.02.2025 | 20:11
Թուրքիայի խորհրդարանի քրդամետ Ժողովուրդների հավասարություն և ժողովրդավարություն կուսակցության (DEM) պատգամավոր Օմեր Ֆարուք Գերգերլիօղլուն արձագանքել է Ադրբեջանում տեղի ունեցող բռնաճնշումներին։ Նա, մասնավորապես, անդրադարձել է «Աշխատավորների սեղան» արհմիությունների կոնֆեդերացիայի նախագահ, հասարակական ակտիվիստ Աֆիադդին Մամեդովի կալանավորմանը։
«Աշխատանքային իրավունքների պաշտպանների նկատմամբ Ադրբեջանի կառավարության կողմից իրականացվող ճնշումները խախտում են մարդու իրավունքների միջազգային իրավունքը։ Դա ակնհայտորեն խախտում է արդարության և ժողովրդավարության սկզբունքները, և մենք բավականին շատ դիմումներ ենք ստանում Ադրբեջանից»,- հայտարարել է պատգամավորը։
Ադրբեջանական լրատվամիջոցների հաղորդմամբ՝ Մամեդովը հացադուլ է սկսել՝ ի նշան Ադրբեջանում ձերբակալությունների դեմ բողոքի։ Հարազատները հայտնել են, որ Մամեդովը մի շարք առողջական խնդիրներ ունի, սակայն հացադուլն անժամկետ է հայտարարել։
Հիշեցնենք, որ հունվարի 14-ին Բաքվի ծանր հանցագործությունների դատարանի ակտիվիստին դատապարտել է 8 տարվա ազատազրկման։
Հավելենք, որ Ադրբեջանի իշխանությունները 2023 թվականի նոյեմբերից երկրում ընդդիմադիր և անկախ լրագրողների, քաղաքական գործիչների ու ակտիվիստների նկատմամբ բռնաճնշումների նոր ալիք են սկսել, որի արդյունքում կալանավորվել են շուրջ 30 լրագրողներ ու հասարակական ակտվիստներ։
Տեղի իրավապաշտպանների վերջին տվյալներով՝ Ադրբեջանում 331 քաղաբանտարկյալ կա։
Թարգմանությունը՝ Էմմա Չոբանյանի
