ՏԱՐԱԿԱՐԾԻՔ. ԼԳԲՏ համայնքի ֆիլմերից հրաժարվելը վախի և գրաքննության, թե՞ գիտակցված «հետամնացության» արդյունք

Կինեմատոգրաֆիստների միության նոր ղեկավարները, դիտելով «Ոսկե Ծիրան» կինոփառատոնի ինֆորմացիոն ծրագիրը, որի շրջանակում ԼԳԲՏ համայնքի մասին պատմող երկու ֆիլմ կար և հաշվի առնելով հասարակական աղմուկը, նշել են, որ իրենք չեն կարող տվյալ ֆիլմերը ցուցադրել: («Լսիր ինձ» ֆիլմը «Փինք Արմենիա» ՀԿ-ի պատվերով նկարել է ռեժիսոր Գագիկ Ղազարեն, իսկ մյուս՝ «Ծիրանի այգիներ» ֆիլմը հայ-իրանական արտադրության է, ռեժիսոր Փուրիա Հեյդարիի գործն է, որը նկարահանվել է Կինոկենտրոնի ֆինանսավորմամբ)։ Այս մասին օրեր առաջ կայացած մամուլի ասուլիսի ժամանակ տեղեկացրել է «Ոսկե Ծիրան» միջազգային կինոփառատոնի հիմնադիր և գլխավոր տնօրեն Հարություն Խաչատրյանը:

Նրա խոսքով՝ կինոմիության նոր ղեկավարները հայտնել են, որ իրենք միության արդեն նախկին նախագահ Ռուբեն Գևորգյանցի մահվանից հետո սգի մեջ են և չեն կարող նման ծրագիր ցուցադրել: Խաչատրյանը հավելել է, որ իրենք չէին կարող Կինոմիությանը ստիպել ցուցադրել ֆիլմերը, քանի որ չէին վարձակալում դահլիճը: Արդյունքում «Ոսկե Ծիրանը» որոշեց հեռացնել ամբողջ ծրագիրը, որում ներառված էր մոտ 40 ֆիլմ: Կինոմիության քայլն ու փառատոնի որոշումը բուռն քննադատության արժանացան տարբեր հասարակական կազմակերպությունների, մշակույթի գործիչների և, պարզապես, կինոսերների կողմից:

Նրանք դատապարտում են թե Կինոմիությանը, որի քայլը, ըստ նրանց ֆիլմարտադրության շահերից չի բխում, թե «Ոսկե Ծիրան» փառատոնին, որը ծրագիրը չվերականգնելով, նրանց պնդմամբ, կանաչ լույս է վառում գրաքննության դիմաց:

Factor.am-ը թեմայի շուրջ զրուցել է գրող, «Լսիր ինձ» ֆիլմի սցենարիստ Հովհաննես Իշխանյանի և «Հանուն կայուն մարդկային զարգացման» ՀԿ-ի նախագահ Կարինե Դանիելյանի հետ։

Մանրամասները` տեսանյութում

Աննա Բաբաջանյան