13.01.2026 | 15:55
Պարգևավճար ստացել եմ, բայց Ձեր նշած թվերը չեմ ստացել. Սուրեն Պապիկյան․ ՏԵՍԱՆՅՈՒԹ
Ադրբեջանն Ուկրաինային մարդասիրական օգնության հերթական խմբաքանակն է ուղարկել․ Բաքվի տրամադրած օգնության ծավալը գերազանցել է 40 մլն դոլարը
Քաղաքականություն
12.02.2025 | 15:26
Ադրբեջանական Սումգայիթի տեխնոլոգիական պարկից այսօր Ուկրաինա է ուղարկվել Ադրբեջանի հումանիտար օգնության երկրորդ խմբաքանակը՝ բաղկացած էլեկտրասարքավորումներից։ Ադրբեջանական լրատվամիջոցների հաղորդմամբ՝ մարդասիրական օգնությունը տրամադրվել է Ադրբեջանի նախագահ Իլհամ Ալիևի՝ 2025 թվականի փետրվարի 5-ի հրամանի համաձայն։
Օգնության կազմակերպման համար հատկացվել են 1 մլն դոլարի չափով միջոցներ, առաջին խմբաքանակն ուղարկվել էր փետրվարի 7-ին։
Երկու խմբաքանակով ուղարկված մարդասիրական օգնությունը, ընդհանուր առմամբ, ներառում է ավելի քան 52,000 մետր էլեկտրական մալուխներ և 17 տրանսֆորմատորներ։ Ուկրաինայից ստացված դիմումի համաձայն՝ սարքավորումները նախատեսված են պատերազմից տուժած տարածքների կայուն էլեկտրամատակարարումը վերականգնելու համար։
Լրագրողների հետ զրույցում Ադրբեջանի էներգետիկայի նախարարության պաշտոնյաներից Ալեսքեր Հասանովը հայտարարել է, որ Բաքվի կողմից Ուկրաինային տրամադրված մարդասիրական օգնության ընդհանուր ծավալը գերազանցել է 40 մլն դոլարը։
Թարգմանությունը՝ Էմմա Չոբանյանի
