25.05.2026 | 21:42
Օսիպյանը քաղբանտարկյա՞լ․ արցախցի գործիչը հացադուլի մեջ է, քաղհասարակությունը պահանջում է ազատել նրան․ ՏԵՍԱՆՅՈՒԹ
Գերմանիայի կանցլերը քննադատել է ընդդիմությանն ու հրաժարվել Ուկրաինային Taurus մատակարարել
Քաղաքականություն
11.02.2025 | 20:47
Գերմանիայի կանցլեր Օլաֆ Շոլցը ելույթ է ունեցել Բունդեսթագի վերջին նիստում՝ նշելով Ուկրաինային աջակցության մասին և արձագանքելով ընդդիմության քննադատությանը, փոխանցում է Korrespondent-ը։
«Երբ Ռուսաստանը սկսեց պատերազմը, մենք ընդամենը մի քանի ժամ ունեինք այս խորը «շրջադարձային» կետին հստակ պատասխան ձևակերպելու համար։ Եվ մենք նման պատասխան տվեցինք։ Մենք ներդրումներ ենք անում մեր զինված ուժերում։ Մենք ամրապնդում ենք Կենտրոնական և Արևելյան Եվրոպայում մեր դաշնակիցների անվտանգությունը։ Մենք աջակցում ենք Ուկրաինային՝ ինչպես ոչ ոք Եվրոպայում, այդ թվում՝ բարձր արդյունավետության զենքերով։ Միևնույն ժամանակ, մենք չենք անում որևէ բան, որը կներքաշի մեզ կամ ՆԱՏՕ-ին այս պատերազմի մեջ»,- հայտարարել է Շոլցը։
Նա, միաժամանակ, քննադատել է Քրիստոնեա-դեմոկրատական միության առաջնորդ, ընտրություններում իր գլխավոր հակառակորդ Ֆրիդրիխ Մերցին, որը ցանկանում է «ամեն գնով» Taurus-ներ փոխանցել Ուկրաինային և վերջնագիր է ներկայացրել Պուտինին, որ եթե 24 ժամվա ընթացքում չդադարեցնի Ուկրաինայի ռմբակոծումը, Գերմանիան կտրամադրի այդ հրթիռները, և Ուկրաինան դրանք կօգտագործի Ռուսաստանի խորքային թիրախների դեմ։
Մերցն արձագանքել է՝ կանցլերի ելույթն անվանելով «վիրավորանք ընդդիմությանը»։
Նշենք, որ փետրվարի 23-ին Գերմանիայում տեղի կունենան Բունդեսթագի արտահերթ ընտրություններ։ Հարցումները ցույց են տալիս, որ CDU-ն վայելում է ընտրողների 30%-ի աջակցությունը, մինչդեռ Շոլցի կուսակցությունն ունի ընդամենը 15%-ի աջակցությունը:
Թարգմանությունը՝ Տաթև Ֆռանգյանի
