30.04.2026 | 11:00
Կառավարության նիստը՝ ՈՒՂԻՂ
Էրդողանը Գազայի հետ կապված Թրամփի ծրագիրը «քննարկելու համար ոչ արժանի» է որակել
Քաղաքականություն
10.02.2025 | 15:09
Թուրքիայի նախագահ Ռեջեփ Թայիփ Էրդողանը հայտարարել է, որ ոչ մի ուժ չի կարող ստիպել Գազայի ժողովրդին հեռանալ իրենց հավերժական հայրենիքից, ասվում է նախագահի աշխատակազմի տարածած հաղորդագրությունում։
Նա, մասնավորապես, քննադատել է ԱՄՆ նախագահ Դոնալդ Թրամփր ծրագիրը՝ կապված Գազայի հետ։
«Մեր տեսանկյունից, չարժե խոսել այն առաջարկների մասին, որ ԱՄՆ նոր վարչակազմն արել է Գազայի վերաբերյալ սիոնիստական լոբբիի ճնշման ներքո։ Այս ջանքերը բացարձակապես ապարդյուն են և ոչ մի նպատակի չեն ծառայում։ Ոչ մի ուժ չի կարող ստիպել Գազայի ժողովրդին հեռանալ իրենց հավերժական հայրենիքից, որը նրանք բնակեցրել են հազարավոր տարիներ: Գազայի, Արևմտյան ափի և Արևելյան Քուդսի հետ Պաղեստինը պատկանում է պաղեստինցիներին»,- ասել է նախագահ Էրդողանը։
Հիշեցնենք, որ ավելի վաղ Թրամփն առաջարկել էր Գազան հանձնել ԱՄՆ վերահսկողությանը, իսկ պաղեստինցիներին՝ այնտեղից հեռանալ։
Թարգմանությունը՝ Էմմա Չոբանյանի
