30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Բաքուն շարունակում է իր թիրախում պահել և հետևել ՀՀ-ում ԵՄ դիտորդների տեղաշարժին․ ՏԵՍԱՆՅՈՒԹ
Քաղաքականություն
07.02.2025 | 17:54
Բաքուն շարունակում է իր թիրախում պահել և դիտարկել ՀՀ-ում տեղակայված ԵՄ դիտորդների տեղաշարժն ու դժգոհություն հայտնել նրանց պարեկությունների կապակցությամբ։ Ադրբեջանական իշխանական լրատվամիջոցները հերթական անգամ երկրի սահմանապահ ծառայության տեսանյութն են հրապարակել, թե ինչպես են ԵՄ դիտորդները պարեկություն իրականացվում։
Բաքվին մտահոգում է, որ այս անգամ դիտորդները մեքենաներով ժամանել են Բերձորի (Լաչին) և Կովսականի (Զանգիլան) շրջաններին սահմանակից տարածք և պարեկություն իրականացնել։ Նրանք հեռադիտակով դիտարկել են Ադրբեջանի տարածքը։
«Դիտորդների գործողությունները եղել են ադրբեջանցի սահմանապահների լիակատար վերահսկողության ներքո։ Ադրբեջանցի սահմանապահները վերահսկել և ֆիքսել են Եվրամիության դիտորդական առաքելության անդամների հետիոտների և մեքենաների տեղաշարժը Լաչինի շրջանի Ֆեթելիպեյե և Զանգիլանի շրջանի Սեյդլի գյուղից»,- նշում է ադրբեջանական աղբյուրը։
Հավելենք, որ վերջին շրջանում Ադրբեջանի պետական սահմանապահ ծառայությունը պարբերաբար է տեսանյութեր հրապարակում Հայաստանում ԵՄ դիտորդների տեղաշարժից։
Թարգմանությունը՝ Էմմա Չոբանյանի
