30.04.2026 | 10:25
Փորձել են ՌԴ-ից 72 մլն ռուբլի ներմուծել․ ՊԵԿ-ի բացահայտումը․ ՏԵՍԱՆՅՈՒԹ
Թրամփը Մայքլ Գավուքչյանին նշանակել է Նովեգիայում ԱՄՆ դեսպան
Քաղաքականություն
07.02.2025 | 14:42
ԱՄՆ նախագահ Դոնալդ Թրամփը հայազգի Մայքլ Է. Գավուքչյանին նշանակել է Նորվեգիայի Թագավորությունում Միացյալ Նահանգների դեսպան։
«Մայքլը փայլուն փաստաբան է, որը ներկայում ծառայում է որպես White & Case-ի ավագ գործընկեր, որտեղ նա ղեկավարել է կոմերցիոն բարդ դատավարությունների թիմեր ամբողջ աշխարհում: Նա նախկինում ծառայել է մեր երկրին որպես ԿՀՎ օպերատիվ սպա: Մայքլը Սթենֆորդի համալսարանի և Հարվարդի իրավաբանական դպրոցի շրջանավարտ է»,- գրել է Թրամփը իր Truth Social սոցցանցում։
The New York Times-ը նաև նշում է, որ Գավուքչյանը մեծ գումարներ է նվիրաբերել Հանրապետական կուսակցությանը։ 2024 թվականին նա 700,000 դոլար է նվիրաբերել Թրամփի նախընտրական ապարատին։ Գավուքչյանի անունը ներառված է նաև Ավրորա մարդասիրական նախաձեռնության հիմնադիրների խորհրդի կազմում։
Թարգմանությունը՝ Էմմա Չոբանյանի
