24.02.2026 | 14:52
ԿԸՀ-ն սահմանել է ԱԺ ընտրությունների ծախսերի նախահաշիվը՝ 4 մլրդ 451 մլն 688 հազար դրամ
ՀՀԿ-ն տեղեկատվական գրոհ է իրականացնում նախկին իշխանության հետ կապ ունեցող լրատվամիջոցների միջոցով․ Էդգար Վարդանյան․ ՏԵՍԱՆՅՈՒԹ
Քաղաքականություն
26.09.2018 | 15:08
Ազգային ժողովի արտահերթ ընտրությունները սովորական ընտրություն դիտարկել պետք չէ, այն գալու է ինստիտուցիոնալիզացնելու հեղափոխության ձեռքբերումները, սրան զուգահեռ՝ կա ևս մեկ դրդապատճառ, թե ինչո՞ւ պետք է արագացնել ԱԺ արտահերթ ընտրությունները և դա կախված է նրաից, որ խորհրդարանը չի արտահայտում ժողովրդի կամքը և իրավիճակին ադեկվատ չէ։
Այսօր հրավիրված քննարկման ժամանակ նման տեսակետ հայտնեց քաղաքական վերլուծաբան Էդգար Վարդանյանը՝ նշելով, որ եթե Ազգային ժողովի ընտրությունները ձգձգվեն,«Հանրապետական» խմբակցության պատգամավորներն ամեն պատեհ և անպատեհ առիթ օգտագործելու են ռեֆորմներին և ժողովրդավարական բարեփոխումներին խոչընդտելու համար։
Դիտարկմանը՝ որ հիմա չեն խոչընդոտում, Վարդանյանը պատասխանեց, որ դրա պատճառն այն է, որ նախկին իշխանությունների ելույթներն են արդեն իսկ նման մտահոգությունների տեղիք տալիս, քանի որ նրանց հռետորաբանության ոճը քանի գնում, փոխվում է և փորձում են ասել, որ այն, ինչ կատարվել է հեղափոխություն չէ՝ ըստ էության ասելով բաներ, որոնք իրականության հետ աղերսներ չունեն։
«ՀՀԿ-ն իրականացնում է տեղեկատվական գրոհ այն լրատվամիջոցների հետ, որոնք կապեր ունեն նախկին իշխանությունների հետ»,- ասաց քաղաքական վերլուծաբանը։
Մանրամասները՝ տեսանյութում։
